İlk dəfə gender hərəkatının fəalı bələdiyyə üzvü seçilib – Azərbaycanda keçirilmiş seçkilərin ilkin nəticələri
Azərbaycanda keçirilmiş bələdiyyə seçkilərinin qəti nəticələri dekabrın 29-da bəlli olacaq. Hazırda məlumdur ki, qadın hüquqları müdafiəçisi Vəfa Nağı Neftçala rayonu Xol Qaraqaşlı bələdiyyəsinə üzv seçilib.
Seçkilər dekabrın 23-də baş tutub və ekspertlərin çoxu bu seçkilərin Azərbaycanda keçirilən bütün seçkilərdən fərqli olduğu fikrində uzlaşır.
Bu seçkinin qeyri-adiliyi hər şeydən əvvəl ilk dəfə “etirazçı gənclərin” – keçmiş siyasi məhbusların, gənc müxalifətçilərin və feministlərin öz namizədliklərini irəli sürmələrindən ibarətdir. Onlar fəal təbliğat aparır, öz çevrələrindən müstəqil müşahidəçilər cəlb edib və cəmiyyəti maraqlandırmağa nail ola biliblər, baxmayaraq ki, Azərbaycanda bələdiyyə seçkiləri həmişə parktiki olaraq diqqətdən kənarda qalıb.
Seçkilərdə qələbə qazana bilməyən keçmiş siyasi məhbus Mehman Hüseynov məğlubiyyətini saxtakarlığın nəticəsi hesab edir.
• Azərbaycanda 2019-cu il bələdiyyə seçkiləri nə ilə maraqlı və qeyri-adi olub?
• Azərbaycanda nə dəyişir – cəmiyyət, hökumət, yoxsa müxalifət?
Qaliblər və narazı olanlar
Vəfa Nağı ilk növbədə ucqar kənddə sosial bizes yaratması və bununla da yataq dəstlərinin hazırlandığı tikiş sexində bir qrup qadını işlə təmin etməsilə tanınır. Seçkilərə bir neçə gün qalmış Vəfa Nağı Facebook səhifəsində seçki komissiyası üzvlərinin ona qarşı təhdidi və təzyiqi haqda yazıb.
Hakimiyyəti tənqid edən video-süjetlər çəkməsi ilə məşhur olan bloger Mehman Hüseynov polisi təhqir etməkdə ittiham olunaraq iki il həbsdə qalıb. Dekabrın 23-də axşam saatlarında seçki sona çatandan sonra və rəsmi nəticələr elan olunandan xeyli əvvəl Mehmanın tərəfdarları sosial şəbəkələrdə onun seçkidə qalib gəldiyini yazıb. İndi məlum olanda ki, Hüseynov bələdiyyəyə keçməyib, o, seçki komissiyasını saxtakarlıqda günahlandırır.
Başqa bir müstəqil namizəd, feminist Rəbiyyə Məmmədova bildirir ki, onun məntəqəsində bülletenlər dolu qutu oğurlanıb və bunun da nəticəsində o, bələdiyyəyə keçə bilməyib. İndi Məmmədova 2020-ci il fevralın 9-da keçiriləcək növbədənkənar parlament seçkilərində iştirak etməyi planlaşdırır.
Ümumilikdə səsvermə zamanı müstəqil namizədlərin müşahidəçiləri və jurnalistlər bir sıra ciddi pozuntular aşkarlayıblar.
Siyasi şərhçi
Şahin Rzayev
“Bu seçkilərin özünəməxsusluğu Azərbaycan hakimiyyətinin yuxarıdan yaratdığı islahat “illüziyası” ilə eyni vaxta təsadüf etməsindədir. Bir neçə yaşlı və sevilməyən məmurun tutduğu vəzifədən azad edilməsi əhalidə seçki sistemi də daxil olmaqla bir sıra sahələrdə demokratik islahatların mümkünlüyü ilə bağlı yanlış ümid yaratmışdı. Amma eyforiya qısa zamanda keçdi. Saxtalaşdırma mexanizmi əvvəlki kimi işləyir, bəlkə metodlar bir qədər daha müasir, daha rəngarəngdir.
Amma müsbət məqam da var. Seçkilərin əsasən nəzərdə tutulmuş çığırla getməsi (biz əvvəlcən ehtimal etmişdik)” 2020-ci il fevralın 9-da keçiriləcək daha önəmli parlament seçkilərində seçki komissiyaları üçün problemlər yarada bilər. Bu seçkilərə artıq daha ciddi nəzarət ediləcək və seçicilərin siyasi fəallığı daha yüksək olacaq”.
This project is funded through the Democracy Commission Small Grants Program, U.S. Embassy Tbilisi. The contents of this publication are those of the Author(s) and do not necessarily represent the views of the Department of State.
