Gürcüstanın yüksək gəlirli vətəndaşlarının müalicəsini bundan sonra dövlət ödəməyəcək

Ümumi Səhiyyə Proqramında olan dəyişikliklərə görə, müxtəlif gəlirli vətəndaşların müalicəsi müxtəlif cür maliyyələşdiriləcək. Səhiyyə və sosial müdafiə naziri David Sergeyenkonun bəyan etdiyi kimi, proqram istifadəçiləri bir neçə kateqoriyaya bölünəcəklər və bu kateqoriyalar dövlətdən müxtəlif xidmət alacaq. Məqsədli qruplar – beş yaşınadək uşaqlar, tələbələr, təqaüdçülər, məhdud imkanlı şəxslər, müəllimlər, sosial müdafiə olunmayanlar dövlət proqramından tam həcmi ilə istifadə edə biləcək. Üstəlik onlar eyni zamanda həm dövlət proqramından, həm də özəl sığorta şirkətlərinin xidmətlərindən yararlana bilərlər. Sosial müdafiə olunmayan vətəndaşlar və yoxsul təqaüdçülər əlavə olaraq ambulator dərman maliyyəsi ilə təchiz olunacaq.

Növbəti kateqoriya – aşağı (900 laridən aşağı – ayda 360 dollar) və qeyri-müntəzəm gəlirləri olan vətəndaşlar, həmçinin öz işini quranlar cəmi 1 milyon 154 min adamdır. Dövlət onlara təcili ambulator yardımın 50 faizini ödəyəcək (100 faizin əvəzinə). Bir də 500 larini ötmədiyi təqdirdə planlı stasionar müalicənin dəyərini. Bu kateqoriya  eyni zamanda həm də büdcə hesabına özəl polis sığortasından istifadə edə bilər. Keçid dönəmində isə müvəqqəti imtiyazlar alacaq. Növbəti kateqoriya – reytinq balları 70 mindən 100 minədək olan sosial müdafiə olunmamış şəxslərdir (102 min adam). Proqramda onlar üçün praktik olaraq heç nə dəyişmir. Onlar həmçinin özəl sığortadan istifadə edə bilərlər. Həmin şərtlər altı yaşından on yaşınadək olan yeniyetmələr üçün də keçərlidir (503 min).

Ümumi Səhiyyə Proqramından istifadə hüquqları kimlər üçün məhdud xarakter daşıyır

Bu, orta və ya yüksək gəlirli vətəndaşlara aiddir – yəni gəliri ildə 40 min laridən (16 min dollar) çox olan şəxslərə. Gürcüstanda bu cür adamların sayı 32 mindir. Onlar Ümumi Səhiyyə Proqramının xidmətlərindən istifadə edə bilməyəcək, bununla belə, ayrı-ayrı proqramlarda, məsələn, Hepatit C-nin müalicəsi kimi pqoqramda iştirak edə bilərlər. Ayda 900 laridən ildə 40 min lariyədək gəliri olan vətəndaşlar üçün (300 min adam) təcili stasionar müalicə 100 faiz əvəzinə 90 faiz maliyyələşdiriləcək. Planlı stasionar müalicəsə 1000 larini ötmədiyi təqdirdə 70 faiz təşkil edəcək. Məlum dəyişikliklərin doğuşlara aidiyyatı yoxdur, belə ki bütün kateqoriyalara aid olan qadınlar maliyyələşdirilirlər.

Ümumi Səhiyyə Proqramı Gürcüstanda 2013-cü ildən qüvvəyə minib, o, gəlirlərin dərəcəsindən asılı olmayaraq, xərclərin bir hissəsinin dövlət tərəfindən ödənilməsini nəzərdə tutub.