Gürcüstanda avqust müharibəsinin 12 ili qeyd olunur

Gürcüstanda Rusiya-Gürcüstan müharibəsinin 12 illiyi qeyd olunur – 2008-ci il avqustun 7-də Gürcüstanın rəsmi versiyasına görə Rusiya mütəmadi qoşunlarının ölkəyə hücümü başlayıb və hərbi əməliyyatlarla davam edib.

2008-ci il avqust üharibəsində Gürcüstan tərəfindən 412 nəfər hərbçi və mülki şəxs, Osetiya tərəfdən isə 365 nəfər hərbçi və mülki şəxs həlak olub.

Rusiyanın rəsmi məlumatına əsasən 67 nəfər də Rusiya hərbçisi həlak olub.

Cənubi Osetiya ərazisində gürcü kəndlərinin 20 min nəfər sakini məcburi köçkünə çüvrilib.

Gürcüstan 125 kəndin yerləşdiyi ərazi üzərində nəzarəti itirib.

Rusiya Cənubi Osetiya və Abxaziyanın müstəqilliyini tanıyıb.

Avqustun 7-dən ölkənin bütün dövlət müəssisələrinin üzərindəki dövlət bayraqları endirilib.

Gürcüstanlı və xarici siyasətçilər və diplomatlar yenidən Rusiya təcavüzünə və işğalına etiraz ifadə edirlər.

Gürcüstanın baş naziri: “Biz heç vaxt keçmişin səhvlərini təkrar etməyəcəyik”

Baş nazir Giorgi Qaxariya 2008-ci il avqust müharibəsinin 12-ci il dönümü ilə bağlı xüsusi bəyanatla çıxış edib.

Baş nazir bildirib ki, Gürcüstan işğal problemini dinc yolla çözmək niyyətindədir. Bununla yanaşı o, “keçmiş səhvləri” xatırladıb.

Amma Qaxariya söhbətin hansı səhvlərdən getdiyini dəqiqləşdirməyib.

“Biz heç vaxt işğalla barışmayacağıq. Biz bu problemin dinc yolla həlli yolundayıq və bizim beynəlxalq tərəfdaşlarımız bizi bu prosesdə dəstəkləyirlər.

Biz heç vaxt keçmişin səhvlərini təkrar etməyəcəyik. Çünki biz çox yaxşı bilirik ki, sülhün alternativi yoxdur və sülh müştərək işdir, iqtisadi inkişaf  bizim ölkəmizin birləşməsinin ön şərtləridir”, – Qaxariya yazıb.

Avqust 2008. Cənubi Osetiya ətrafında müharibə. Hər şey necə baş verib?

Gürcüstan və Rusiyanın iştirak etdiyi Cənubi Osetiya ətrafında 2008-ci il avqust müharibəsinin necə başlaması və nə ilə nəticələnməsi haqda günbəgün ətraflı hekayə

ABŞ-ınn Gürcüstandakı səfirliyi: Rusiyanın idarə etdiyi qüvvələr işğal olunmuş əraziləri metrə-metrə genişləndirməyə çalışır

ABŞ-ın Gürcüstandakı səfirliyi də 2008-ci il avqust müharibəsinin 12 illiyi ilə bağlı bəyanat yayıb.

“Rusiyanın Gürcüstanın regionlarına – Abxaziya və Cənubi Osetiyaya soxulmasından 12 il keçir. 7 avqust bizə Rusiya işğalından zərər görmüş, hələ də zərər görən minlərlə insanı kədərlə xatırladır. 

Bu gün biz öz evlərini tərk etmətə məcbur qalan və qaçqın olan insanları xatırlayırıq.

Biz de-fakto hökumətin inzibati bölüşdürücü xətti bağladığı və təcili yardım almalarına imkan vermədiyi üçün həlak olan günahsız dinc vətəndaşları unutmamışıq.

Biz qanunsuz “borderizasiya” və mövcud olmaq üçün vəsait mənbələrini itirən qilələri unutmamışıq”, – səfirliyin bəyanatında deyilir.

Bəyanatda o da qeyd olunub ki, Rusiya 2008-ci ildə əldə olunan atəşkəs razılaşmasını pozmaqda davam edir: Rusiya “sərhədçiləri” dinc sakinləri saxlayır və inzibati bölüşdürücü xətt boyu zorakılıq aktları həyata keçirirlər.

Eyni zamanda “Rusiyanın idarə etdiyi təhlükəsizlik qüvvələri Gürcüstan ərazisinin tədricən zəbtini davam etdirir və işğal olunmuş əraziləri metrə-metrə genişləndirməyə çalışırlar”.

ABŞ səfiri Rusiyanı Abxaziya və Cənubi Osetiyanın müstəqilliyini tanımasını geri çəkməyə və 2008-ci il atəşkəs haqda saziş üzrə öhdəliklərini yerinə yetirməyə çağırıb.

“Tam aydındır ki, Rusiya öz qüvvələrini münaqişədən əvvəlki mövqelərinə çəkməlidir və humanitar yardımın maneəsiz əlçatımlığını təmin etməlidir.

Bundan başqa, biz Rusiyanı Abxaziya və Cənubi Osetiyanın müstəqilliyini tanımasını geri almağa çağırırıq. Yüz minlərlə məcburi köçkün və qaçqının təhlükəsiz və ləyaqətlə evinə qayıda bilməsi çox vacibdir”, – bəyanatda deyilir.

Aİ: Rusiya hələ də beynəlxalq hüququ pozaraq Abxaziya və Cənubi Osetiyada qoşunlarını yerləşdirir

Avropa İttofaqının Gürcüstandakı nümayəndəliyi də Rusiya-Gürcüstan müharibəsinin 12 illiyi ilə əlaqədar bəyanat verib:

“Son aylarda gərginlik yüksək olaraq qalıb və Rusiya yenə də Abxaziya və Cənubi Osetiyada hərbi qüvvələrini saxlayır, bununla da beynəlxalq hüququ və 2008-ci il 12 avqust razılaşması üzrə üzərinə götürdüyü öhdəlikləri pozur”.

Aİ nümayəndəliyi qeyd edib ki, münaqişə nəticəsində zərər görən əhalinin hüquqları hələ də pozulur, o cümlədən də azad hərəkət hüquqlarının məhdudlaşdırılması yolu ilə – qanunsuz “borderizasiya”, buraxılış məntəqələrinin müvəqqəti bağlanması və ya qanunsuz saxlanılmalarla.

Bəyanatda deyilir ki, Avropa İttifaqı bir daha beynəlxalq səviyyədə tanınan sərhədlər çərçivəsində Gürcüstanın müstəqilliyi, suverenliyi və ərazi bütövlüyünü dəstəkləyir.

Litva XİN rəhbəri: “Gürcüstan ərazilərinin 20 faizinin işğalı davam edir”

“Rusiyanın Gürcüstana qarşı məqsədyönlü təcavüzündən 12 il keçir. Təəssüf ki, bundan dərs alınmayıb və bunun ardınca Ukraynaya qarşı təcavüz baş verdi. Sürünən ilhaq və 20 faiz ərazinin işğalı davam edir. Biz Gürcüstanın suverenliyi və ərazi bütövlüyü ilə bağlı dəyişməz dəstəyimizi təsdiqləyirik”, – Litvanın xarici işlər naziri Linas Linkyaviçus yazıb.