Gürcüstan prezidenti Konstitusiya Məhkəməsi və Avropa Məhkəməsinin qərarlarınadək “Rustavi-2” teleşirkəti ətrafındakı status-kvonun saxlanmasına çağırıb

Gürcüstan prezidenti müxalif telekanal “Rustavi-2”-nin işi üzrə məhkəmə qərarı ilə ilə bağlı xüsusi bəyanatında bütün tərəfləri məsələnin siyasi əhəmiyyətindən irəli gələrək, Konstitusiya Məhkəməsi və İnsan Haqları üzrə Avropa Məhkəməsinin qərarınadək “təcili addımlar” atmamağa çağırıb.

Gürcüstan Prezidentinin sözlərinə görə, o, teleşirkətin sahibliyi uğrunda mübahisəyə müdaxilə edə bilməz, ancaq “Rustavi-2” və istənilən digər KİV “tkcə biznes sayılmır”, həm də ictimai-siyasi həyatın vacib komponenti hesab olunur.

“Rustavi-2” tənqidi və əks (hakimiyyətə) fikirlərin ifadə vasitəsidir ki, bu da Gürcüstanın Avropa gələcəyi üçün çox vacibdir. Faktiki olaraq, mənim beynəlxalq partnyorlarla bütün görüşlərimdə “Rustavi-2” mövzusu qaldırılıb və mən bu məsələdə öz mövqeyimi bildirmişəm. Beynəlxalq ictimaiyyət “Rustavi-2” prosesini məhkəmə mübahisəsi kimi deyil, söz azadlığı məsələsi kimi qəbul edir”, – Georgi Marqvelaşvili bəyan edib.

“Rustavi-2” teleşirkətinin işi ilə bağlı bəyanatı hökumət administrasiyası da yayıb. Hökumət o cümlədən cəmiyyəti “demokratik institutlara hörmətlə yanaşmağa” çağırır və xatırladır ki, teleşirkətlə bağlı məhkəmə mübahisəsi mülkiyyət hüquqlarının pozulması ilə əlaqəli “ağır miras” fonunda keçib.

Ali Məhkəmənin qərarından narahatçılığını Gürcütanın 19 aparıcı qeyri-hökumət təşkilatı da ifadə edib. Onlar tərəfindən yayılan bəyanatda deyilir ki, “qəbul olunmuş qərar KİV-lərin azadlığını məhdudlaşdırır və Gürcüstanın avroatlantik inteqrasiyası prosesini təhlükə altına salır”.