Gürcüstanda narkotiklərin onlayn-ticarətinin gündəlik dövriyyəsi 8 min dolları aşır. Araşdırma

Gürcüstanda narkotiklərin onlayn-ticarətinin gündəlik dövriyyəsi səkkiz min dolları aşır. Bu haqda Gürcüstanda narkotiklərin qanunsuz onlayn-bazarını araşdıran Qafqaz Tədqiqat Resurs Mərkəzinin (CRRS) hesabatında deyilir.  

Sənəddə Gürcüstanda və MDB ölkələrində narkotiklərin anonim dövrüyyəsi üçün istifadə olunan kriptovalyutalardan birinin yarım illik tədqiqatının nəticələri yer alıb.

194 gün ərzində 16 növ unikal maddənin satışından əldə edilən gəlir1Ş6 milyon dollar təşkil edib.

Tədqiqat nəticələrinə əsasən, Tbilisi, Batumi və Kutaisidə təxminən 35 min dollarlıq maddə hər gün etibarlı gizli yerlərə qoyulur. Müqayisə üçün gəlir həcmi İspaniya və Belçikanın ümumi göstəricisini üstələyir.

Tədqiqatda həmçinin qeyd olunur ki, fevralda orta gündəlik dövriyyə Covid-19 virusunun yayılması səbəbilə təxminən iki dəfə azalıb. Müqayisə üçün: böhrana qədər baza gündəlik həcm 15 min ABŞ dolları təşkil edirdi, mart-avqust aylarında isə 7,5 min dollara enib.

Satışların çoxu marixuana, kokain və MDMA-nın payına düşür. Marixuananın payı ümumi satış həcmində 56 faiz təşkil edir.

Qeyd etmək lazımdır ki, tədqiqat digər platformalarda, o cümlədən də messencerdə qanunsuz narkotik satışını əhatə etmir.