"Gürcü Arzusu" partiyası bəyan edib ki, onun bəzi keçmiş üzvləri "dövlət əleyhinə fəaliyyətlə məşğul olublar"
“Gürcü arzusu” partiyasının keçmiş üzvləri
“Gürcü Arzusu” partiyasından olan deputatlar Tengi̇z Şarmanaşvili və David Mati̇kaşvili bəyan ediblər ki, “komandadan kənarlaşdırılan bəzi keçmiş üzvlər radikalizmi təşviq edirlər” və vurğulayıblar ki, “cinayət törədənlərə və vətəni satmış şəxslərə adekvat cavab veriləcək”.
“Bu, hamıya aydın olmalıdır: kim ki, qanunu pozur, vətəni satır və cinayət törədirsə, ona qarşı qanun və dövlət tərəfindən ən sərt tədbirlər görüləcək.
Siz yaxşı bilirsiniz ki, biz hələlik ad və soyadları açıqlamırıq. Burada konkret olaraq kiminsə şəxsiyyəti müəyyən edilməyib, lakin aydındır ki, kənarlaşdırılan şəxslər müəyyən formada radikalizmi dəstəkləməyə və maliyyələşdirməyə cəhd göstəriblər”, — deyə buna cavab olaraq Mati̇kaşvili bildirib.
Tengi̇z Şarmanaşvili isə bildirib ki, Gürcüstan hökuməti narahat olmamalıdır, amma partiyanın keçmiş üzvləri ifşa olunmağı gözləməlidirlər. Bununla belə, Şarmanaşvili konkret olaraq “Gürcü Arzusu”nun hansı keçmiş üzvlərindən söhbət getdiyini açıqlamayıb.
“Bu şəxslər həmçinin dövlət əleyhinə fəaliyyətlə məşğul olduqlarına görə komandadan uzaqlaşdırılıblar. Amma onların hamısı Gürcüstana və onun maraqlarına böyük zərər vuran xarici ölkələrlə əlaqələrinə görə ifşa olunacaqlar”, — deyə Şarmanaşvili bildirib.
“Gürcü arzusu” partiyasının keçmiş üzvləri
