Ermənistanın baş nazirinin müraciəti. O nə deyib və ondan nə gözlənilirdi?
Dağlıq Qarabağ ətrafında hərbi əməliyyatların yeddinci günündə Ermənistanın baş naziri canlı yayımda çıxış edib. JAMnews üçün şərhində ermənistanlı ekspert bildirib ki, Nikol Paşinyanın mesajını Ermənistanda çox gözləyirdilər, amma o, əsas gözləntiyə cavab verməyib.
Qarabağ ətrafında və Azərbaycan-Ermənistan sərhədində hərbi əməliyyatlar haqda bütün tərəflərdən xəbərlər və reportajlar. Döyüşlərin yeddinci günü
Nikol Paşinyanın çıxışı haqda əvvəlcədən məlumat verilmişdi və insanlar gözlənti içindəydi – baş nazirin reytinqi 2018-ci il “məxməri” inqilabdan sonra hakimiyyətə gələndən indiyə qədər kiçik düşüşlərlə presedentsiz yüksək olaraq qalır.
O, Dağlıq Qarabağda Azərbaycan silahlı qüvvələri ilə təmas xəttində vəziyyət haqda, həm öz, həm də rəqib itkiləri haqda danışıb.
Onun nitqinin əsas vurğusu şübhəsiz qələbə, Ermənistan və Dağlıq Qarabağ sakinlərinin, o cümlədən də müxtəlif ölkələrdə yaşayan erməni diasporasının ruh yüksəkliyinin qorunması olub.
Paşinyan nə haqda danışıb?
Əsas tezislər:
• Azərbaycan və Türkiyənin təcavüzünün miqyası presedentsizdir. Mütəxəssislərin dəyərləndirməsinə görə 21-ci əsrdə beləsi olmayıb.
• Artıq bir həftədir ki, erməni xalqı təcavüzkara qarşı mübarizə aparır
• Yüzlərlə tank, hərbi texnika, raket, təyyarə, PUA Qarabağ postlarına hücum edir
• Hərbi əməliyyatlarda Türkiyə iştirak edir, Türkiyə komandanlığı döyüşlərin aparılmasına cəlb olunub. Münaqişəyə Yaxın Şərqdən muzdlular və döyüşçülər cəlb olunub
İlham Əliyev “Əl-Cəzirə” telekanalına müsahibəsində Dağlıq Qarabağda gərginliyin eskalasiyanın səbəbləri və atəşkəs şərtləri haqda danışıb
• Hərbçilər və dinc əhali arasında çox sayda qurban var
• Bununla belə Azərbaycan ordusu indiyə qədər qarşısına qoyduğu hədəflərdən heç birinə nail ola bilməyib
• Azərbaycan minlərlə hərbçi itirib, bütün təmas xətti boyunca onların meyitləri səpələnib
• Bəzi istiqamətlərdə bizim qoşunlarımızın vəziyyəti ağırdır, amma ordu qəhrəmancasına savaşır
• Təcavüzkar yalnız ərazi üçün gəlməyib, onların məqsədi xalqı məhv etmək, erməni soyqırımını davam etdirməkdir
• Bir neçə dəqiqə əvvəl Qarabağ müdafiə ordusu hücuma keçib
• Ermənistan və Qarabağın hər bir sakini özünü qələbəyə həsr etməlidir.
“Hər birimiz ön cəbhədə bu qələbəyə hazır olmalıyıq. Qələbə, yalnız qələbə və qəti qələbə – bu, bizim nəticədə gözlədiyimizdir!” – Ermənistanın baş naziri Nikol Paşinyan çıxışını bu sözlərlə yekunlaşdırıb.
Şərhlər
Siyasi şərhçi Naira Hayrumyan JAMnews-a müsahibəsində:
“Artsaxda artıq bir həftədir ki, gərgin döyüşlər gedir və hərbi əməliyyatların hədsiz yüksək tempi və miqyasına görə müəyyən yorğunluq hiss olunur.
Sanki bugün diplomatik səylər müəyyən razılaşmalara gətirib çıxarmalı idi və məsələ ancaq razılaşmanın hansı şərtlərlə olacağından ibarət idi.
Hamı xoş xəbər gözləyirdi. Baş nazir Bikol Paşinyanın mesajı səsləndi, hansı ki əsas gözləntilərə cavab vermədi.
Kimlərsə Qarabağın müstəqilliyinin Ermənistan tərəfindən tanınmasını gözləyirdi, digərləri atəşkəsin bağlanmasını gözləyirdi, üçüncülər Azərbaycan və Türkiyənin terrorçu hücumlaqına qarşı beynəlxalq konsensusa ümid edirdi.
Amma yalnızca qələbə müharibəsinə hazırlıq çağırışı səsləndi, bu da siyasi perspektivlə bağlı daha çox qeyri-müəyyənlik gətirdi.
Hamı anlayır ki, bu, həddən artıq ciddi məsələdir – geosiyasi çevrələrin, fövqəlgüc dövlətlərinin, regional aktorların cəlb edilməsi ilə, hansılar ki, indi yəqin gələcək razılaşmanın şərtlərini müəyyən edirlər.
Amma bütün ağırlığı döyüşən xalqlar, kiçik Qarabağ və Ermənistan öz çiyinlərində daşımalı olur, onlar müdafiə olunmağa və genişmiqyaslı hücumların qarşısını almağa məcburdurlar.
Həlledici dövlətlər Qarabağda Türkiyə və Azərbaycan tərəfindən cəlb olunan muzdlu terrorçuların istifadə olunduğunu qəbul ediblər. Amma sadəcə qınayıcı bəyanatlar səsləndi, əməli sanksiyalar olmadı.
Faktiki olaraq dünyanın fövqəlgücləri arasında gələcək barışığın şərtləri ilə bağlı hələlik konsensus əldə edilməyib.
Bu isə o deməkdir ki, atışma davam edəcək, insanlar öləcək, evlər və infrastrukturlar dağılacaq. Hələlik razılaşdırmaq mümkün olmur”.
