Ermənistanda müxalifət müxalifətə qarşı döyüşür. Az əvvəl parlamentə keçən iki partiya mübarizəyə girişib

9 dekabr parlament seçkilərindən sonar Milli Məclisə keçə bilən Çiçəklənən Ermənistan və Maariflənmiş Ermənistan partiyalarının liderləri bir-birlərinə qarşılıqlı ittiham yağdırıb. Siyasi qüvvələr arasında əsl söz müharibəsi qızışıb.

Hər şey necə başlayıb?

Hər şey seçkilərdə iştirak edən siyasi qüvvələrin liderlərinin seçkiqabağı debatları ilə başlayıb. Bu seçkilərdə Maariflənmiş Ermənistan Partiyasının rəhbəri Edmon Marukyan Çiçəklənən Ermənistan Partiyasının lideri Qaqik Tsarukyandan soruşmuşdu ki, niyə o, iri biznesmen olduğu halda seçkilərdə iştirak edir? Bu sual Ermənistanın ən varlı adamlarından biri olan Tsarukyanın açıq-aydın xoşuna gəlməyib.

“Mən bəziləri kimi siyasətə vəzifə almaq üçün gəlməmişəm. Hamı bilir mən nədən başlayıb, nələrə nail olmuşam. Mənim hər şeyim var və hər şeyi özüm əldə etmişəm. Mən müxtəlif ölkələrdən sərmayəççilər cəlb edirəm. Mən faydalı olmaq istəyirəm”, – o zaman oliqarx cavab vermişdi.

Cavabında isə Edmon Marukyan Qarik Tsarukyana fəal siyasətdən gedib, bizneslə məşğul  olmağı  tövsiyə etmişdi. Maariflənmiş Ermənistan Partiyasının lideri həmçinin Tsarukyanın və onun təmsil etdiyi siyasi qüvvənin uzun illər saxta müxalifət rolu oynadığına da eyham vurub.

• Ermənistan parlamentində çoxluq inqilab lideri Paşinyanın blokuna məxsusdur

• Ermənistanda yeni hakimiyyət – Azərbaycanla sülh perspektivi varmı?

• Yeni Ermənistan parlamentinin maliyyələşdirilməsi vergi ödəyicilərinə baha başa gələcək

Seçkilərdən sonra

Növbədənkənar seçkilərin nəticələrinə görə, yeddinci çağırış Milli Məclisə Ermənistanda baş tutan inqilabın lideri Nikol Paşinyanın “Mənim addımım” blokundan başqa Çiçəklənən Ermənistan və Maariflənmiş Ermənistan partiyaları da keçib.

Bu, söz münaqişəsinin və qiyabii ittihamların davam etməsinə səbəb olub. Milli Məclisin ötən tərkibində “Tsarukyan” fraksiyasının katibi Vahe Enfiacyan Edmon Marukyana qarşı ittihamlar isrəli sürüb. O bildirib ki, Marukyan 2012-ci il parlament seçkilərində iştirak edə bilmək üçün sənədləri saxtalaşdırıb.

Enfacyan onu da qeyd edib ki, Edmon Marukyanın siyasətdəki “xaş atası” Ermənistanın keçmiş prezidenti Serj Sarqsyanın kürəkəni Mikael Minasyandır.

Edmon Marukyan və onun tərəfdarları növbəti dəfə bildiriblər ki, biznesmenlər siyasətlə məşğul olmalı deyillər. Marukyan həmçinin güman edir ki, yeni siyasi reallıqda köhnə rejimə aid siyasi partiyaların yeri yoxdur.

Maariflənmiş Ermənistan Partiyasının lideri Marukyan hesab edir ki, onunpartiyasına qarşı geniş miqyaslı təqib həyata keçirilir və bunun səbəbi debatlarda baş vermiş mübahisələrlə bağğlıdır:

“Hər kəsin bir sual vvermək imkanı vardı. Mən də öz sualımı Qaqik Tsarukyana verdim. Çünki köhnə sistem dağılıb. İnqilab Tsarukyanın da təmsil etdiyi bu sistemə qarşı idi”.

Seçkilərdən sonra Marukyan yenidən biznesmen Tsarukyanı saxta müxalifət rolunu oynamaqda günahlandırıb:

“Siz bütün müxalif qüvvələrin qönünü dəyişmisiz, bizimlə isə bacarmayacaqsız. Bu başqa dünyadır. Mən klassik sual verdim, hansını ki, siz hələ də həzm edə bilmirsiz. Bunun əvəzində şəxsi xarakter daşıyan təhqirlər səslənir”.

Partiyalar arasında mübahisə hələ bitməyib və böyük ehtimalla Ermənistan parlamentində də davam edəcək. Deputatlar öz işinə artıq Yeni ildən sonra başlayacaqlar.