Dünyada koronavirus

Kraliyyət mənbələrindən bildirilir ki, 71 yaşlı şahzadə Çarlz özünü yaxşı hiss edir və “əhvalı yaxşıdır”.

O, Şotlandiyada özünütəcrid rejimindədir, xanımı Kamilla, hersoqinya Kornuolla da ayrı-ayrı özünütəcrid rejiminə qapanıblar.

İspaniyada koronavirusdan 3,434 ölüm halı qeydə alınıb. Bu, ötən günkü göstəricidən 27 faiz çoxdur.

Epidemiyanın başladığı Çində 3,281 nəfər ölüb.

Ölkədə xəstələnənlər 47,610 nəfərdir.

Dünyada ən çox ölüm halı İtaliyada qeydə alınıb – 6,820 nəfər.

İspaniyanın Səhiyyə Nazirliyi bildirib ki, yaxın günlərdə Covid-19 virusuna qoluxma hallarının artacağı gözlənilir.

Dünyada xəstələnənlər 422,911,

Ölüm halı 18,905,

Sağalanlar isə 109,143 nəfərdir.

Pandemiya çox sürətlənir. Covid-19 haqda ilk məlumat açıqlanandan cəmi 67 gün sonra yoluxma halları 100 minə çatıb, növbəti 100 min yoluxmaya 11 gün, üçüncü 100 minə dörd gün, növbəti yüz min yoluxmaya isə üç gün bəs edib.

Dünya əhalisinin demək olar ki, üçdə biri 2,5 milyard insan pandemiya üzündən hərəkət məhdudiyyəti altındadır.

Koronavirusun yayılması statistikasının cədvəlində ölkələrin ilk onluğu.

Yoluxma hallarının sayına görə Çin birinci yerdədir, amma artıq bir həftədir ki, orada gün ərzində maksimum 1-2 yoluxma halı qeydə alınır. Çin hakimiyyəti bildirir ki, bu hallar digər ölkələrdən gələnlərlə əlaqədardır.

İtaliyada bir sutka ərzində 743 nəfər ölüb. Ümumilikdə koronavirusdan ölənlərin sayı 6820 nəfərdir. Xəstələnənlərin ümumi sayı isə 69176 nəfərə çatıb.

Amma İtaliyada yeni yoluxma tempi və ölüm halları azalmağa başlaya bilər, çünki ölkə bağlanandan təqvim iki həftəyə yaxınlaşır. Ekspertlər bildirirlər ki, Covid-19 virusunun inkubasiya dövrü bir gündən 14 günə qədər olduğu üçün bu tam iki həftə insanlara tövsiyə edilən istənilən tədbirlərin və ya evdə qalmaq göstərişinin nəticəsini görmək üçün gərəkdir.

İtaliya martın 13-də tam bağlanıb.

ABŞ-da koronavirusdan ölənlərin ümumi sayı – 764 nəfər,

Xəstələnənlər – 54,914 nəfərdir.

Nyu Yorkda 25 mindən çox yoluxma və 200-dən çox ölüm halı qeydə alınıb, üstəlik yeni halların sayı hər üç gündən bir iki dəfə artır.

Ümumdünya Səhiyyə Təşkilatı ABŞ-ın koronavirusun növbəti yayılma episentri ola biləcəyi haqda xəbərdarlıq edib.

Bir sutka ərzində İspaniyada 514 ölüm halı qeydə alınıb. Bu, epidemiya başlanandan qeydə alınan ən yüksək rəqəmdir. Ümumilikdə ölkədə 2,991 nəfər ölüb. Xəstələnənlər 42,058 nəfərə çatıb.

Mütəxəssislər bildirirlər ki, 8 mart Beynəlxalq Qadınlar Günü münasibətilə keçirilən yürüş vəziyyəti kəskin pisləşdirib. On minlərlə insan belə böyük toplantıların koronavirus epidemiyasına səbəb ola biləcəyinə dair xəbərdarlığa məhəl qoymayaraq yürüşdə iştirak edib.

Dörd gün sonra yürüşdə iştirak edən iki nazirə diaqnoz qoyulub. Nümayişdə iştirak edən baş nazir Pedro Sançesin xanımı da yoluxub.

Bir neçə gün ərzində xəstələrin sayı demək olar ki, üç dəfə artaraq 3 min nəfərə çatıb.

Ümumilikdə Fransada 1,100 nəfər ölüb.

Bir sutka ərzində 2,444 yeni yoluxma halı təsdiqlənib və nəticədə xəstələrin sayı 22,304 nəfərə çatıb.

Fransa martın 17-dən bağlıdır, insanlardan evlərində qalmaq tələb olunur.

Hospital iki palatadan ibarət olacaq və 4 min pasiyenti yerləşdirəcək.