Çeçenistan: karantinə bağlanıb
Aprelin 5-dən sonra Çeçenistana giriş və çıxış tamam bağlanacaq – aprelin 1-də yerli hakimiyyət belə qərar qəbul edib. Çeçenistanda adətən olduğu kimi bu mühüm qərar əvvəlcə respublika başçısı Ramzan Kadırovun Instegram səhifəsində yayılıb.
“Aprelin 5-dən sonra respublikaya həm quru, həm də hava nəqliyyatı ilə giriş və çıxış tamam dayandırılacaq, əqzar və tibbi preparatların daşınmasından başqa, biz yaşayış məntəqələrinin sanitar təmizlənməsinə başlayacağıq”, — Kadırov deyib.
O vurğulayıb ki, Çeçenistana qayıtmaq və ya buradan getmək istəyənlər bunu aprelin 5-ə qədər etməlidirlər. Əgər sərhədlər bağlanandan sonra kiminsə Çeçenistan hüdudlarından kənara çıxmaq ehtiyacı olsa, hakimiyyət bu məsələni fərdi qaydada həll edəcək.
Bu yenilik yerli sakinləri narahat edib, xüsusən də Çeçenistana aprelin 5-də sonra gəlməyi düşünənləri. Müzakirələrdə bəziləri yazır ki, respublikadan kənarda xəstəxanadadırlar və müalicələri Çeçenistan sərhədləri bağlanandan sonra bitəcək.
Yerli sakinlər nəzərdətutulan dəyişikliklər haqda xəbər tutduqları zaman respublikada koronavirus diaqnozu ilə bir qadın ölüb. Verilən məlumata görə, 82 yaşlı qadın qızını görməyə getdiyi Moskvada virusa yoluxub.
Kadırovun koronavirusun yayılması təhlükəsinə münasibəti bir ay ərzində çox dəyişib. Martın ilk yarısında o, Covid-19 virusunu adi qriplə müqayisə edirdi, sağlamlığı üçün narahat olan hər kəsə isə immunitetin möhkəmləndirilməsi üçün sarımsaq və limonla bal yeməyi tövsiyə edirdi.
Bir neçə həftə keçdi və Kadırov respublika sakinlərindən karantinə ciddi riayət olunmasını tələb etməyə, koronavirus daşıyıcılarını terrorçulara bərabər tutmağa, təcrid rejimini pozan yoluxanların isə həbsxanaya atılmasını, ac saxlanmasını və xəndəklərə basdırılmasını təklif etməyə başladı.
Rusiyanın müstəqil “Novaya qazeta” nəşrinin verdiyi məlumata görə, Çeçenistanda asayişin mühafizəsinə polis, taxta dəyənəkli hərbçilər cəlb olunub, amma yerli hakimiyyət bunu inkar edir.
Martın 30-da virus nöqteyi nəzərdən dünyannın “təhlükəli” ölkələrindən və Rusiyanın regionalarından gələn ilk qrup Çeçenistan sakinləri üçün karantin müddəti bitir.
Karantində olmuş insanlar və onların qonşuları “Kavkazskiy uzel” portalına nələrlə qarşılaşdıqları haqda danışıblar.
“Girişdə elan yazmışdılar ki, bu binada iki həftəlik karantinə yerləşdirilmiş insanlar yaşayır və onlarla heç bir halda təmasa girmək olmaz, əgər onlar rejimi pozarlarsa, dərhal sahə müvəkkilinə məlumat vermək lazımdır. Hətta qohumları da onların yanına buraxılmır. Yalnız telefonla və ya pəncərədən danışmaq olar. Polis mütəmadi olaraq növbə çəkir. Bir sözlə, belə bir ev dustaqlığı”, – Məhəmməd adlı Qroznı sakini danışıb.
“Bizim həyətimizdə daima polislər gəzir. Sən demə, sakinlərdən biri səfərdən qayıdıb və onu karantinə yerləşdiriblər. Mənzilin qapısı möhürlənib, çıxmaq olmaz. Ərzağı pəncərədən ailəsi ötürür, yaxşı ki, birinci mərtəbədə yaşayan var. Binanın girişində də elan yapışdırılıb, yazılıb ki, bizim evdə iki həftəlik təcrid olunan insanlar yaşayır və ərzaq gətirən qohumlar hər şeyi qapının ağzına qoymalıdır, təmasa girməməlidir. orada göstərilib ki, əgər onlar rejimi pozarlarsa, sahə müvəkkilinə zəng vurmaq lazımdır”, – Fatimə adlı Qroznı sakini bölüşüb.
