Cənubi Osetiyanın gürcü məktəbləri rus dilinə keçir
Cənubi Osetiyada “gürcü məktəbi” anlayışı ləğv edilir, onların yerinə isə gürcü dilinin intensiv tədris olunduğu rus məktəbləri açılır.
Gürcü məktəblərinin əksəriyyəti 2008-ci il müharibəsinə qədər Tbilisinin nəzarətində olan Leninqor rayonunda yerləşir. Gürcülər bu rayonla bağlı işlətdiyi toponim Axalqor rayonudur. Mərhələli şəkildə bütün siniflər rus və osetin dilinə və Rusiya tədris proqramına keçəcək. Bu il dəyişikliklər yalnız ibtidai siniflərə, ümumilikdə 25 şagirdə tətbiq edilib.
[pullquote]“Bu qərar etnik gürcü uşaqlarının perspektivlərini daha da genişləndirəcək”[/pullquote]
Cənubi setiyanın təhsil naziri Natali Qassiyeva jurnalistlərə bildirib ki, bu qərar etnik gürcü uşaqlarının perspektivlərini daha da artıracaq, çünki onların təhsillərini Cənubi Osetiya Dövlət Universitetində, həmçinin Cənubi Osetiya sakinləri üçün ayrılmış kvotalar üzrə Rusiya ali məktəblərində davam etdirmək imkanı yaranacaq.
Tbilisidə bu planı diskriminasiya xarakterli adlandırıblar və bildiriblər ki, ana dilində təhsil almaq imkanlarının məhdudlaşması Cənubi Osetiyada qalan etnik gürcüləri doğma yerləri tərk etmək məcburiyyəti qaşısında qoya bilər.
Gürcüstanın Barışıq və Vətəndaş Bərabərliyi Dövlət naziri Ketevan Sixelaşvili Abxaziyanın etnik gürcülərin kompakt yaşadığı Qal rayonunda baş vermiş analoji dəyişiklikləri xatırladıb və bu qərarı belə şərh edib:
[pullquote]“Bu proses [Cənubi Osetiyanın] tam ruslaşdırılmasına hesablanıb”.[/pullquote]
“Bu, son nəticədə nə Abxaziya, nə də Osetiya cəmiyyətlərinin maraqlarına daxil deyil, çünki təhlükə orada çox ağır şəraitdə yaşayan insanlarda deyil, abxaz və osetin kimliyini təhdid edən ruslaşdırma prosesindədir”, – Sixelaşvili BBC-ə müsahibəsində bildirib.
Cənubi Osetiya hakimiyyəti və yerli ekspertlər isə əmin edirlər ki, gürcülər diskriminasiyaya uğramayacaq.
“Leninqor rayonunun əhalisi nəhayət, özünü Gürcüstanın deyil, Cənubi Osetiyanın bir hissəsi kimi hiss etməlidir. Biz gürcü dilini heç bir halda qadağan etməyəcəyik, bu qətiyyən doğru deyil. Biz eyni dövlətdə yaşayırıq, həmvətənliyik və qardaşıq, bir dövlətin vahid xalqıyıq. Biz bir cəmiyyətik və bir yerdə inkişaf etməli, irəliləməliyik”, – Respublika rəhbəri Anatoli Bibilov jurnalistlərə bildirib.
C ənubi Osetiyada tanınmış politoloq, “İntellektual resurslar” mərkəzinin direktoru Kosta Dzuqayev Facebook səhifəsində yazıb:
“Bu yaxınlarda Vilnyusdan olan həmkarım Arkadi Nexamkin (bir neçə başqaları da) mənə tənəli sualla müraciət etdi ki, bizim dövlət rus məktəblərini qadağan edən Litvanın etnokratik rejiminə bənzər şəkildə Leninqor rayonunda gürcü məktəblərini qadağan edir.
Həmkar, Sizə bildirirəm: …gürcü uşaqlarının ana dillərini öyrənmək hüququ və imkanları təmin olunub”.
Dzuqayev yazır ki, bu rayonda gürcü uşaqları bu gün də istənilən halda rusdilli məktəblərə gürcü məktəblərinə getdiyindən 4-5 dəfə daha çox gedir – “valideynləri anlamaq olar: rus dilini bilmək böyük yaşam imkanları vəd edir”.
“Bu ilə qədər… məntiqə sığmayan vəziyyət mövcud idi: gürcü məktəblərində Gürcüstan proqramı üzrə tədris aparılırdı, müvafiq olaraq, COR-u tərk edirdilər, yəni biz qonşu düşmən mövqeli dövlətin təhsilini maliyyələşdirirdik”.
Dzuqayevin fikrincə, Cənubi Osetiya sadəcə yerli çoxdillilik ənənəsini qoruyub saxlamağa çalışır.
“Bizdə doğma osetin, ədəbi rus və yaxşı danışıq səviyyəsində gürcü dilini bilmək həmişə çox təbii bir şey hesab olunub, çoxları isə kafi dərəcədə ingilis dilini də bilirdi”.
