“Bu, Gürcüstan üçün artıq yaşam və ölüm məsələsidir” – həkimlər məhdudiyyətlərə əməl olunmasını tələb edirlər

Gürcüstanda ölüm və yoluxma səviyyəsi fəlakət həddindədir

“Bu gün Gürcüstanda pandemiya başlayandan ən ağır vəziyyətdir”, – avqustun 23-də Gürcüstan pediatrları və immumlaşdırma üzrə texnimi məsləhətçilər qrupunun rəhbəri İvane Çxaidze deyib.

Gürcüstan Klinikaları Assosiasiyası avqustun 23-də hökumətə koronavirusa yoluxma hallarının və bu səbəblə ölümlərin kəskin artması ilə bağlı tətbiq edilən məhdudiyyətlərə effektiv əməl olunmasını təmin etmək çağırşı ilə müraciət edib

Avqustun 23-də Gürcüstanda koronavirusa 2354 yeni yoluxma halı qeydə alınıb, onlardan 942-i Tbilisidədi. Bir sutka ərzində 60 xəstə vəfat edib. Əvvəlki iki həftədə sutka ərzində yoluxanların sayı orta hesabla 5-6 minə çatıb, Gürcüstan milyon nəfərə düşən yoluxanların sayına görə dünyada 11-ci yeri tutub.

• İri məbləğdə cərimə, yaxud həbs: Azərbaycanda vaksinasiya tələbləri sərtləşir
• “Uşağın olmayacaq, əvəzində trombun olacaq” – Ermənistanda COVID-19 vaksinasiyası haqda miflər

Klinikalar Assosiasiyası təcili aşağıdakı tədbirlərin görülməsini təklif edir:

• Ümumdünya Səhiyyə Təşkilatının tövsiyəsini gözləmədən 12 yaşdan yuxarı bütün uşaqların təcili immunlaşdırılmasına başlamaq lazımdır. Artıq ABŞ, Böyük Britaniya, İsrail və Çin belə edib.
• Əhalinin maska taxmaq və məsafə gözləmək tələbinə ciddi riayət etməsinə nəzarəti gücləndirmək lazımdır. Bunun üçün hər birində 2-3 nəfər olmaqla xüsusi monitorinq qrupları yaradılmalıdır və onlar mütəmadi olaraq insanların toplaşdığı yerlərdə – mərkəzi küçələrdə, bazarlarda, mağazalarda və ticarət mərkəzlərində, həmçinin analoji məkanlarda vəziyyəti yoxlamalıdırlar.
• Gürcüstanın EXO-CD24 preparatının kliniki sınaq mərhələsinə daxil edilməsi üçün İsrail hökumətinə müraciət etmək lazımdır. Preparat Tel-Əvivdə hazırlanıb, I və II kliniki sınaq mərhələsində 95% effektivlik göstərib. Bu, Gürcüstanda koronavirusa yoluxan və ağır vəziyyətdə olan pasiyentlərin çoxunun həyatını xilas etməyə imkan verəcək.
• Kliniki Şuranın fəaliyyətinə müxtəlif ölkələrdən olan həkim-həmvətənlərin fəal cəlb olunmasını təmin etmək. Bu, xəstələrin müalicə protokollarını səmərəli və mütəmadi yeniləməyə və optimallaşdırmağa imkan verəcək.
• Aeroportlarda və quru sərhədlərində pandemiya əleyhinə qaydalara ciddi riayət etmək.
• Sentyabrın 10-a qədər istənilən kütləvi toplantıların ancaq onlayn keçirilməsi arzuolunandır.

Delta ştammı: sürətli yoluxma və ağır sürən xəstəlik

“Koronavirusun Delta ştammının iki xüsusiyyəti var – yoluxmanın yüksək sürətlə yayılması və yoluxma zamanı xəstəliyin daha ağır keçməsi”, – Gürcüstan Pediatrları və İmmunlaşdırma üzrə Texniki Məsləhətçilər Qeupunun rəhbəri İvane Çxaidze deyir.

“Qaydalar sadədir: məsafə gözləmək, əlləri tez-tez yumaq, heç bir kütləvi toplantıda qətiyyən iştirak etməmək. Nə qədər çox insan indi vaksinasiyadan keçsə, sentyabrda bizim üçün daha asan olacaq. Avqust isə faciəvi oldu”.

Gürcüstanda tam vaksinasiyadan keçən 106 084 nəfərdən yalnız 207-i koronavirusa yoluxub ki, bu da 0,19 faiz təşkil edir – provax.ge rəsmi saytında deyilir.

Bu 207 nəfərdən yalnız 8-i xəstəxanaya yerləşdirilib və onlardan heç biri ölməyib. Qalanlarda virus əlamətsiz və ya yüngül əlamətlərlə keçib.

Tbilisidə artıq iki səhra hospitalı açılıb və hər birində 200 yer var. Onlar artıq xəstə qəbuluna başlaylblar, çünki xəstəxanalarda artıq yer yoxdur.

Səhiyyə nazirinin müavini Tamar Qabuniya bildirib ki, yoluxma səviyyəsi çox yüksək olaraq qalır və ölkənin heç bir regionunda stabilləşmə əlaməti yoxdur.

Məktəblərdə tədris yalnız aparılan testlərin dörd faizindən azı müsbət nəticə verdiyi halda açıla bilər. amma son bir həftədə bu göstərici 10-12 faiz təşkil edir.