Azərbaycanda yenidən rekord sayda koronavirusa yoluxma qeydə alınıb

Azərbaycanda son sutka ərzində COVID-19 koronavirusundan dörd nəfər ölüb, 438 yeni yoluxma qeydə alınıb.

Bu dəfə sağalanların sayı əvvəlki günlərə nisbətən  azdır, bu gün 133 nəfər sağalıb və xəstəxanadan evə buraxılıb.

Rəsmi statistikaya görə, hazırda ölkədə yoluxanların ümumi sayı 11 767 nəfər təşkil edir, onlardan 143 nəfər ölüb, 6 325 nəfər sağalıb.

5 299 nəfərin müalicəsi davam edir.