Azərbaycan ordusunun zabiti Vaqif Xaçatryanın ailəsinə müraciət edib
Meşəli faciəsi, Vaqif Xaçatryan
Azərbaycan ordusunun ehtiyatda olan zabiti, birinci Qarabağ müharibəsinin iştirakçısı Azay Kərimov 1991-ci ilin dekabrında Meşəli faciəsində iştirakda ittiham olunaraq Qarabağda saxlanılan Vaqif Xaçatryanla xəstəxanada görüşüb. O, bu görüşlə bağlı sosial şəbəkədə yazıb.
- Avropa Məhkəməsi Azərbaycanda həbs olunan müxalifətçinin işinə təcili qaydada baxacaq
- “Niyə Fransa bizim regionda başqa cür deyil, məhz belə davranır?” Bakıdan baxış
- “Qarabağı tərk edən Rusiya vətəndaşları və tələbələrdir”. Bakıdan şərhlər
“O, məni dərhal tanıdı. Əsl adı Vaqif olsa da, o vaxt hamı onu Vladik ləqəbi ilə tanıyırdı”, – deyə Kərimov Facebook səhifəsində yazıb.
Məsələ burasındadır ki, 1991-ci il mayın 15-də biz Vaqif Xaçatryanı (Vladiki) daha dörd silahlı ilə ilə birlikdə saxlayıblar. Kərimov qy edir ki, şəxsən onu döyüb və sözügedən görüş zamanı Xaçatryan da bu hadisəni xatırlayıb.
Ehtiyatda olan zabit qeyd edir ki, hələ Meşəli faciəsindən əvvəl Vaqif 30 min azərbaycanlının Xankəndidən qovulmasında fəal iştirak edib. O, əvvəllər Xankəndində cinayət axtarış şöbəsinin rəisi işləmiş Qarikin dəstəsində olub.
“Vaqif həbs olunub Şuşa həbsxanasına gətirildikdən sonra, gecə dişi ilə sol əlinin damarını ceynəyib parçalamışdı ki, qanaxmadan ölsun”, – yazan Kərimovun sözlərinə görə, həmin yaranın izi hələ də Xaçatryanın qolunda qalır.
O, həmçinin qeyd edir ki, üç aydan sonra Bakıdan Şuşaya ezam edilən prokuror və müstəntiqlər böyük məbləğdə pul müqabilində Vaqifi ermənilərə satıblar. Dekabrda isə o, Meşəli faciəsində iştirak edib. Ehtiyatda olan zabit həmçinin yazır ki, Xaçatryan 1992-ci ilin fevralında Xocalı qətliamında da fəal iştirak edib.
Kərimovun bildirdiyinə görə, Vaqif Xaçatryan erməni dilindən başqa, rus və Azərbaycan dillərini mükəmməl bilir. Onun sözlərinə görə, Xaçatryan səmimi şəkildə ermənilərlə əməkdaşlıq edən üç Meşəli sakininin fotolarına işarə edib.
Azay Kərimov statusunun sonunda Xaçatryanın yaxınlarına müraciət edib.
“Mən burdan Vaqifin qizi, Lacinda məktəb direktoru olmuş Veraya, hazırda Xankəndidə polis zabiti olan Veranin ərinə səslənirəm. Vaqifə yaxşı baxırlar, qidalanmağı yüksək səviyyədə, üstündə daim həkim nəzarəti var.
Vaqif kicik bir açıqlama verdi. Siz isə dəqiq deməlisiniz. Xocalıdan 150, Malıbəyli-Quşçulardan 21, Şuşa ətrafinda 147 nəfər itkin düşüb. Əgər siz həmin kütləvi məzarlıqların yerini, koordinatlarini dəqiq öyrənib, Azərbaycan tərəfinə məlumat versəniz, Vaqifin cəzasını xeyli yüngülləşdirmiş olacaqsınız. İndi Vera, söz sizdədir və məlumatlarinizi gözləyirik”, – deyə o yazıb.
Xaçatryanın kiçik qızı Vera isə öz növbəsində atasına qarşı bütün ittihamları rədd edib.
“Yayılan bütün şayiələri təkzib edirəm. Atam Samvel Babayanın sürücüsü olmayıb, atam belə hərəkətlər edə bilməzdi – hətta azərbaycanlılara münasibətdə belə. Siz mənə atamı sağ-salamat vətənə qaytarmağa kömək etməlisiniz. Onun yerində hər birinizin atası ola bilər. Heç kim təhlükəsiz deyil”, – deyə o bildirib.
Vaqif Xaçatryan iyulun 29-da Beynəlxalq Qırmızı Xaç Komitəsinin vasitəçiliyi ilə müalicə almaq üçün Ermənistan Respublikasına getmək istəyərkən Dövlət Sərhəd Xidmətinin hərbi qulluqçuları tərəfindən Azərbaycan-Ermənistan dövlət sərhədinin Laçın sərhəd-keçid məntəqəsində saxlanılıb.
Ermənistan XİN Vaqif Xaçatryanın Azərbaycanın hüquq-mühafizəçiləri tərəfindən saxlanmasını “insan oğurluğu” elan edib və beynəlxalq ictimaiyyəti onun geri qaytarılması üçün Azərbaycana təsir etməyə çağırıb.
O, Meşəli faciəsinin törədilməsində tştirakda ittiham edilir.
Meşəli faciəsi 1991-ci il dekabrın 23-də baş verib. Azərbaycan tərəfinin rəsmi məlumatına əsasən, həmin gün erməni silahlıları Azərbaycanın keçmiş Əsgəran, hazırkı Xocalı rayonunun Meşəli kəndinə hücum ediblər. azərbaycanlılardan ibarət könüllülər kəndi müdafiə etməyə çalışıblar. Atışmalar nəticəsində 28 nəfər həlak olub, 14 nəfər yaralanıb. Həlak olanlar arasında 8 qadın və 3 uşaq da var. Evlər və inzibati binalar qarət olunub, dağıdılıb və yandırılıb. Kəndə 5.5 milyon manat civarında ziyan dəyib.
Bu faktlarla bağlı 11 yanvar 1992-ci ildə Şuşa şəhərində cinayət işi başlanılıb.
