AZƏRBAYCANCA arrow icon
Bizi dəstəkləyin
Bizi dəstəkləyin
AZƏRBAYCANCA arrow icon
messenger vk-black email copy print
Arxiv-

Azərbaycanlı bloger üç ay sonra azadlığa çıxmalı idi, amma indi onu daha yeddi il həbs gözləyir

messenger vk-black email copy print

Azərbaycanlı bloger və ictimai fəal Mehman Hüseynova qarşı yeni cinayət işi qaldırılıb. O, üç ay sonra azadlığa çıxmalı idi – iki illik məhkumluğu artıq sona çatmaq üzrədir. Həbsxana administrasiyası bildirir ki, Hüseynov mühafizəçini – ədliyyə leytenantını döyüb. Məhkəmə iddianı qəbul etsə, bloger yeddi ilə qədər azadlıqdan məhrumetmə cəzası ala bilər.

• Məhkəmə Mehman Hüseynovun polis idarəsində işgəncələr haqda danışdıqlarını böhtan hesab edərək, onu iki il müddətinə azadlıqdan məhrum edib

• Azərbaycanlı bloger iki il həbs cəzasına məhkum olunub

26 yaşlı Mehman Hüseynov populyar video-kanal və “Sancaq” Facebook səhifəsinin yaradıcısı və aparcısıdır. Öz videosüjetlərində o hakimiyyəti tənqid edirdi.

 

Hüseynov Reportyorların Azadlığı və Təhlükəsizliyi İnstitutunun əsasını qoyanlardan biridir.

 

Hüseynov 2017-ci ilin martında Bakının rayon polis idarələrindən birinin rəisinə böhtan atmaqda ittiham olunaraq iki il cəza alıb. O deyirdi ki, ona polis idarəsində işgəncə verilib, amma məhkəmə bu sözləri böhtan hesab edib.

 

Hüquq müdafiə təşkilatı Amnesti International Hüseynovu “vicdan məhbusu” elan edib. Yerli hüquq müdafiəçiləri onun adını siyasi məhbus siyahısına daxil ediblər.

Mehman Hüseynovun böyük qardaşı, Reportyorların Azadlığı və Təhlükəsizliyi İnstitutunun direktoru Emin Hüseynov (hazırda İsveçrədə siyasi mühacirətdədir) blogerə qarşı cinayət işini təxribat adlandırıb.

“Ona həbsxanada xəbərdarlıq etmişdilər ki, martda cəza müddəti başa çatdığı zaman o, azadlığa çıxa bilməyəcək”, – Emin Hüseynov “Turan” informasiya agentliyinə bildirib.

Go to top

Ən Populyar

Xəbərlər

Multimedia