İlham Əliyev Azərbaycan Nazirlər Kabinetinin yeni tərkibini təsdiq edib
Azərbaycanın Nazirlər Kabinetinin yeni tərkibi
Azərbaycan prezidenti İlham Əliyev Nazirlər Kabinetinin yeni tərkibini təsdiqləyib. Yeni kabinet əsasən əvvəlki kabinetin üzvlərindən ibarətdir. Yalnız ədliyyə naziri və Dini Qurumlarla İş üzrə Dövlət Komitəsinin yeni rəhbərləri təyin olunmayıb. Dövlət başçısının sərəncamı ilə bu strukturlara müvəqqəti rəhbər vəzifəsini icra edəcək şəxslər təyin edilib.
- “Azərbaycandakı 31 400 nəfər ölkənin demək olar ki, bütün ixracatını təmin edir”. İqtisadçı şərhi
- Gürcüstanın yeni baş naziri kimdir? İrakli Kobaxidze haqda əsas faktlar
- Ermənilərin Qarabağa qayıdışı: bu nə dərəcədə realdır? Bakıdan şərhlər
Fevralın 16-da Azərbaycanın yeni seçilmiş prezidenti İlham Əliyev ölkənin Nazirlər Kabinetinin tərkibinin təsdiq edilməsi haqqında fərman imzalayıb.
Dövlət başçısının sərəncamı ilə aşağıdakı şəxslər Azərbaycan Respublikası Nazirlər Kabinetinin üzvləri təyin edilib:
- baş nazirin birinci müavini – Yaqub Abdulla oğlu Eyyubov;
- baş nazirin müavini – Əli Cavad oğlu Əhmədov;
- baş nazirin müavini – Şahin Abdulla oğlu Mustafayev;
- daxili işlər naziri – Vilayət Süleyman oğlu Eyvazov;
- ekologiya və təbii sərvətlər naziri – Muxtar Bahadur oğlu Babayev;
- elm və təhsil naziri – Emin Eldar oğlu Əmrullayev;
- energetika naziri – Pərviz Oqtay oğlu Şahbazov;
- əmək və əhalinin sosial müdafiəsi naziri – Sahil Rafiq oğlu Babayev;
- fövqəladə hallar naziri – Kəmaləddin Fəttah oğlu Heydərov;
- gənclər və idman naziri – Fərid Fazil oğlu Qayıbov;
- xarici işlər naziri – Ceyhun Əziz oğlu Bayramov;
- iqtisadiyyat naziri – Mikayıl Çingiz oğlu Cabbarov;
- kənd təsərrüfatı naziri – Məcnun Qadir oğlu Məmmədov;
- maliyyə naziri – Samir Rauf oğlu Şərifov;
- mədəniyyət naziri – Adil Qabil oğlu Kərimli;
- müdafiə naziri – Zakir Əsgər oğlu Həsənov;
- müdafiə sənayesi naziri – Vüqar Valeh oğlu Mustafayev;
- rəqəmsal inkişaf və nəqliyyat naziri – Rəşad Nəbi oğlu Nəbiyev;
- səhiyyə naziri – Teymur Yusif oğlu Musayev;
- Ailə, Qadın və Uşaq Problemləri üzrə Dövlət Komitəsinin sədri – Bahar Əvəz qızı Muradova;
- Diasporla İş üzrə Dövlət Komitəsinin sədri – Fuad Rauf oğlu Muradov;
- Dövlət Gömrük Komitəsinin sədri – Şahin Soltan oğlu Bağırov;
- Dövlət Sərhəd Xidmətinin rəisi – Elçin İsağa oğlu Quliyev;
- Dövlət Statistika Komitəsinin sədri – Tahir Yaqub oğlu Budaqov;
- Dövlət Şəhərsalma və Arxitektura Komitəsinin sədri – Anar Adil oğlu Quliyev;
- Qaçqınların və Məcburi Köçkünlərin İşləri üzrə Dövlət Komitəsinin sədri – Rövşən Şükür oğlu Rzayev;
- Dövlət Miqrasiya Xidmətinin rəisi – Vüsal Əfqan oğlu Hüseynov;
- Dövlət Təhlükəsizliyi Xidmətinin rəisi – Əli Nağı oğlu Nağıyev;
- Xarici Kəşfiyyat Xidmətinin rəisi – Orxan Sedyar oğlu Sultanov;
- Səfərbərlik və Hərbi Xidmətə Çağırış üzrə Dövlət Xidmətinin rəisi – Mürsəl Qorxmaz oğlu İbrahimov;
- Dövlət Su Ehtiyatları Agentliyinin sədri – Zaur Rauf oğlu Mikayılov;
- Dövlət Turizm Agentliyinin sədri – Fuad Hümbət oğlu Nağıyev;
- Qida Təhlükəsizliyi Agentliyinin sədri – Qoşqar İlahi oğlu Təhməzli;
- Milli Arxiv İdarəsinin rəisi – Əsgər Adil oğlu Rəsulov.
- Sərəncam imzalandığı gündən qüvvəyə minir.
Bu şəxslər əvvəlki Nazirlər Kabinetinin tərkibində də eyni vəzifələri daşıyıblar. Yəni, Nazirlər Kabineti üzvlərinin əksəriyyəti dəyişməz qalıb.
Keçmiş məmurlardan ikisi yeni kabinetdə yer almayıb – sabiq ədliyyə naziri Fikrət Məmmədov və Dini Qurumlarla İş üzrə Dövlət Komitəsinin sabiq sədri Mübariz Qurbanlı.
Bu vəzifələrə hələ heç kim təyin edilməyib. Prezidentin sərəncamı ilə ədliyyə nazirinin müavini Azər Məmməd oğlu Cəfərova nazir vəzifəsinin müvəqqəti icrası həvalə edilib.
Həmçinin Dini Qurumlarla İş üzrə Dövlət Komitəsinin sədri vəzifəsinin müvəqqəti icrası dövlət komitəsi sədrinin birinci müavini Səyyad Adil oğlu Salahlıya tapşırılıb.
