Azərbaycanda koronavirus: üçüncü ölüm, 29 yeni yoluxma halı, beş yeni sağalan

Yoluxanların sayı 122 nəfərə çatıb 

Azərbaycanda koronavirusdan üçüncü ölüm və 29 yeni yoluxma halı qeydə alınıb.

Bununla yanaşı daha əvvəl yoluxan beş nəfər sağalıb və xəstəxanadan evə buraxılıb.

Üçüncü qurbanın 59 yaşlı kişi olduğu və martın ortasında Türkiyədən gəldiyi məlumdur. “Report”un verdiyi məlumata görə, o, xroniki bronxitdən əziyyət çəkirmiş. Mərhumun ailə üzvləri və onunla təmasda olan digər insanlar karantin altına alınıb.

Beləliklə, Azərbaycanda virusa yoluxanların sayı 122 nəfərə çatıb.

3 nəfər ölüb, 15 nəfər isə sağalıb.

Virusun üzə çıxarılması üçün 20 000-dən çox test edilib.

Region sakinləri arasında ilk yoluxma halları qeydə alınıb. 

• Koronavirus haqda hər şey
• Azərbaycanda “repressiyaların növbəti raundu” başlayıb – AŞPA belə hesab edir