Azərbaycanda koronavirusdan iyirminci ölüm və 865 sağalan

Azərbaycanda COVID-19 virusundan iyirminci ölüm, 44 yeni yoluxma halı qeydə alınıb.

Ölənin 57 yaşı olub və o, şəkərli diabet, hipotireoz və xroniki böyrək xəstəliyindən əziyyət çəkirmiş.

Daha 74 nəfər sağalıb və xəstəxanadan evə buraxılıb.

Beləliklə, rəsmi statistikaya əsasən, hazırda yoluxanların ümumi sayı 1480 nəfərə çatıb, onlardan 20 nəfər ölüb, 865 nəfər sağalıb.

102 764 test həyata keçirilib.