Azərbaycan Türkiyə ilə birgə hərbi təlimlərə başlayıb

İyulun 29-da Türkiyə və Azərbaycanın quru qoşunları və hərbi hava qüvvələrinin döyüş atışlı taktiki və taktiki-uçuş təlimləri başlayıb. Təlimlərə iki ölkənin ordularının şəxsi heyəti, zirehli texnikası, artilleriya qurğuları və minaatanları, həmçinin hərbi aviasiya və hava hücumundan müdafiə vasitələri cəlb edilib.

Hərbi təlimlər avqustun 1-dən 5-dək quru qoşunların da cəlb edilməsi ilə Bakı və Naxcıvanda, eyni zamanda iyulun 29-dan avqustunun 10-dək Bakı, Naxçıvan, Gəncə, Kürdəmir və Yevlax şəhərlərində keçiriləcək.

Ermənistan Xarici İşlər Nazirliyinin mətbuat katibi Anna Naqdalyan öz “Facebook” hesabında təlimlərin keçirilməsi ilə bağlı yazıb:  “Azərbaycan rəhbərliyi təxribatçı hərəkətləri ilə beynəlxalq vasitəçilərin vəziyyəti ləğv etmək və sülh prosesini bərpa etmək səylərinə mane olur və bununla da gələcək sabitləşmənin nəticələri üçün məsuliyyət daşıyır”.

Azərbaycan Xarici İşlər Nazirliyinin Mətbuat xidməti idarəsinin rəisi Leyla Abdullayeva cavabında deyib ki, bu təlimlər hər iki ölkənin silahlı qüvvələri arasında əlaqələndirmənin güclənməsi, regional sülh və təhlükəsizliyin möhkəmləndirilməsi üçün keçirilir.