Azərbaycan hakimiyyəti Qırğızıstandan inciyib

Pakistanın paytaxtında İqtisadi Əməkdaşlıq Təşkilatının (ECO) 13-cü sammiti keçirilib. Nəticələrə əsasən İslamabad deklarasiyası qəbul edilib. Sənəddə ECO məkanında həllini tapmayan münaqişələrin regionun inkişafına mənfi təsir göstərdiyi qeyd olunur. Sənəddə Ermənistan-Azərbaycan münaqişəsinə həsr olunan bənddə bu münaqişənin regionun potensialının tam açılmasına və iqtisadı inkişafa əngəl olunması göstərilir.

Qırğızıstan bu bəndi “siyasiləşdirilmiş” hesab edərək ona qoşulmaqdan imtina etdi.

Azərbaycan XİN-in Mətbuat xidmətinin rəhbəri Hikmət Hacıyev “Trend” agetliyinə bildirib ki: “ Qırğızıstanın mövqeyi tamamilə başa düşülən deyil. Bu mövqe ilə Qırğızıstanın kimin dəyirmanına su tökməsi də ciddi sual doğurur”.

Prezidenti Administrasiyası xarici əlaqələr şöbəsinin müdiri Novruz Məmmədov Qırğızıstanın bu mövqeyinə görə təssüf edib. Onun sözlərinə görə, layihənin qərarında Azərbaycan üçün vacib olan Dağlıq Qarabağ münaqişəsinə olan mövqe idi.

Bununla bağlı üzv dövlət səs verdilər. Təəssüf ki, Qırğızıstan tərəfi nəyəsə görə bunun siyasi məsələ olduğunu əsas gətirib, qətnaməyə qoşulmadı. Bu bizi təəccübləndirdi. Bu qədər işlər, ölkələrin qarşıya qoyduğu vəzifələr qarşısında bu addımın atılması başa düşülən deyil. Biz həmişə bu ölkə ilə əməkdaşlıq edirik və edəcəyik. Bu qətnamədə qeyri-adi heçə yoxdur. BMT-nin tələb etdiyi prinsiplərdir”, – Məmmədov söyləyib.

• İslamabad deklarasiyasının tam mətni ilə burada tanış olmaq olar. Ermənistan-Azərbaycan münaqişəsi 20-ci bənddə qeyd olunur.

• İqtisadi Əməkdaşlıq Təşkilatı (ECO) – beynəlxalq regional iqtisadi təşkilatdır. 1985 ci ildə Mərkəzi Asiya və Yaxın Şərq ölkələri tərəfindən yaradılıb.

• 1992-ci ildən ECO-nun fəaliyyəti xeyli aktivləşib.7 yeni ölkə – Qazaxıstan, Azərbaycan, Əfqanıstan, Tacikistan, Türkmənistan və Özbəkistan könüllü olaraq bu təşkilata qoşulublar.