Azərbaycan-Ermənistan sərhədində atışma nəticəsində erməni hərbçi həlak olub

Azərbaycanla Ermənistanın dövlət sərhədində növbəti dəfə atışma baş verib, bu dəfə hər iki tərəfin müdafiə nazirlikləri bu faktı təsdiqləyiblər. Ölən və yaralanan var. Hər iki tərəfdən ətraflı məlumat və ekspertlərin şərhləri.

• Yeni seçkilər, Qarabağ məsələsi, əsirlərin qaytarılması: politoloq Ermənistanın gələcəyi haqda
• ATƏT-in Minsk qrupunun həmsədr ölkələrinin səfirləri Şuşaya getməkdən imtina ediblər

Azərbaycan-Ermənistan sərhədinin Naxçıvan istiqamətində baş vermiş atışma nəticəsində erməni hərbçi həlak olub. Ermənistan Müdafiə Nazirliyinin məlumatına əsasən, hadisə iyulun 14-də səhər saatlarında Yerasx məntəqəsində olub.

Azərbaycan Müdafiə Nazirliyi xəbər verir ki, atışma nəticəsində Azərbaycan ordusunun hərbçisi yaralanıb.

İki tərəfi ekspertlərin baş verənlərin səbəbləri ilə bağlı müxtəlif fikirlər səsləndirirlər. Azərbaycan tərəfindən bildirilir ki, baş verənlər vur-tut lokal toqquşmalardır və daha böyük toqquşmalara keçmək ehtimalı yoxdur.

Yerevanda isə əmindirlər ki, Ermənistan-Azərbaycan sərhədində gərginliyin artması Rusiya ilə “Taliban” arasında danışılarla bağlıdır.

Bakıdan informasiya

“İyulun 14-ü saat 10.00 radələrində Ermənistan silahlı qüvvələrinin bölmələri Ermənistan-Azərbaycan dövlət sərhədinin Naxçıvan Muxtar Respublikasının Sədərək rayonu istiqamətində yerləşən Azərbaycan Ordusunun mövqelərini müxtəlif çaplı silahlardan atəşə tutub.

Nəticədə, Azərbaycan Ordusunun hərbi qulluqçusu Mərdanlı İbadulla Məhsud oğlu yaralanıb. Yaralıya ilkin tibbi yardım göstərilib və o, tibb müəssisəsinə təxliyə olunub.

Cavab atəşi ilə düşmən susdurulub. Hazırda bu istiqamətdə vəziyyət sabitdir, əməliyyat şəraiti bölmələrimizin nəzarəti altındadır”, – Azərbaycan Müdafiə Nazirliyinin məlumatında bildirilir.

Bu gün səhər Azərbaycan Müdafiə Nazirliyi Qarabağda da atəşkəsin pozulması haqqında xəbər yayıb:

“Azərbaycan Ordusunun Şuşa ətrafındakı mövqeləri atəşə tutulub. Rusiya sülhməramlılarının müvəqqəti yerləşdirildiyi Azərbaycan ərazisində, qanunsuz erməni silahlı dəstələri tərəfindən iyulun 13-də saat 21:34-də və saat 21:45-də Şuşa şəhəri ətrafındakı Azərbaycan Ordusunun mövqeləri pulemyot və avtomatlardan atəşə tutulub”.

Azərbaycan XİN də Ermənistanla sərhəddə vəziyyətin kəskinləşməsi ilə bağlı bəyanatla çıxış edib:

“Son günlərdə Ermənistan tərəfinin ardıcıl şəkildə Azərbaycan mövqelərini atəşə tutaraq, bölgədəki kövrək sülhü pozmaq cəhdlərini qətiyyətlə qınayırıq.

Azərbaycanın bölgədə sülh, əməkdaşlıq və dayanıqlı inkişafı təmin etmək istiqamətində addımlar atdığı bir vaxtda Ermənistanın bu kimi destruktiv yanaşma nümayiş etdirməsi qəbuledilməzdir.

Bölgədə vəziyyətin bu şəkildə inkişafının bütün məsuliyyəti Ermənistanın üzərindədir”.

Yerevandan informasiya

Ermənistan Müdafiə Nazirliyinin məlumatında deyilir ki, Azərbaycan Silahlı Qüvvələrinin bölmələri döyüş mövqelərini irəli çəkmək məqsədilə mühəndis-istehkam işləri aparmağa cəhd ediblər:

“Erməni tərəfinin işlərin dayandırılması istiqamətində cavab tədbirlərindən sonra azərbaycanlı ərbçilər erməni mövqelərinə tərəf atəş açıblar”.

Ermənistan Müdafiə Nazirliyinin məlumatında qeyd olunur ki, atışma nəticəsində erməni hərbçisi ölümcü yara alıb. lakin Azərbaycan tərəfində də itkilər var.

Erməni tərəfi bildirib ki, “Azərbaycan tərəfinin növbəti təxribatını qətiyyətlə qınayır” və xəbərdarlıq edir ki, buna “ciddi cavab” veriləcək:

“Vəziyyətin sonrakı kəskinləşməsinə görə bütün məsuliyyət Azərbaycanın hərbi-siyasi rəhbərliyinin üzərinə düşür”.

DQ “müdafiə ordusu”nun bəyanatı

Tanınmamış Dağlıq Qarabağ Respublikasının “müdafiə ordusu” Azərbaycan Müdafiə Nazirliyinin Şuşanın atəşə tutulması barədə xəbərini təkzib edib. Qurumdan bildirilib ki, azərbaycanlı hərbçilər istiqamətində atəş açılmayıb.

Bundan başqa, qeyd olunub ki, “müdafiə ordusu”nun ön cəbhədə yerləşən hissələri atəşkəs rejimini pozmur və sabitliyi pozan hərəkətlərə yol vermir.

İyulun 13-də axşam saatlarında “DQR” ombudsmanı Geqam Stepanyan özünün “Facebook” səhifəsində yazıb ki, azərbaycanlı hərbçilər Şuşa yaxınlığında atəş açıblar, lakin erməni tərəfinin cavab tədbirləri nəticəsində atəş dayandırılıb: “Atəş havaya açılıb”.

Bakıdan şərh

Hərbi icmalçı Asəf Quliyevin fikrincə, bunlar lokal toqquşmalardan başqa bir şey deyil və daha böyük toqquşmalara keçmə ehtimalı yoxdur:

“Düşünürəm ki, rəsmi Bakı ilə Moskva arasında kiçik fikir ayrılıqları mövcuddur. Bu atəşkəs pozulmaları isə Rusiya tərəfindən xəbərdarlıq xarakteri daşıyır. lakin Azərbaycan da, öz növbəsində, Rusiya sülhməramlılarının yerləşdiyi ərazilərdən atəşin açılması barədə bəyanat verməklə Rusiya tərəfinə xəbərdarlıq edir.

Şəxsən mən bu lokal toqquşmaların daha böyük miqyasa keçəcəyinə inanmıram. Bu, yalnız o halda ola bilər ki, bakı sülhməramlı qüvvələrin qarabağdan çıxarılmasını tələb etsin, lakin hələ də parlament tərəfindən ratifikasiya edilməmiş razılaşmalara əsasən, buna dörd ildən çox vaxt qalıb”.

A.Quliyev JAMnews-a onu da bildirib ki, onda Türkiyə və Azərbaycan prezidentlərinin Şuşaya səfəri ərəfəsində lokal toqquşmalar barədə məlumat var:

“Lakin bunlar barədə heç bir rəsmi açıqlama olmayıb”, – deyə, ekspert sözlərini yekunlaşdırıb.

Yerevandan şərh

“Naxçıvanla sərhəddə Azərbaycan, mənim fikrimcə isə, de-fakto türk təxribatını bir sıra versiyaların baxış bucağından nəzərdən keçirmək olar, lakin bunlardan biri Rusiya-“Taliban” danışıqlarının kontekstində yerləşir”, – siyasi icmalçı Akop Badalyan deyib.

Onun dikrincə, Naxçıvan Rusiya ilə Türkiyə arasında “əhəmiyyətli” məfhumdur:

“Taliblərlə Moskva arasında türklərə qarşı Rusiyanın türkiyə ilə münasibətlər qzərində qurulmuş bütün geosiyasətini dağıda biləcək razılaşma əldə olunacaqmı, yoxsa Moskva “Taliban”la türkiyə arasında “vasitəçi” olmağa cəhd edəcək?

Rusiya ilə Mərkəzi asiyanın bu mürəkkəb problemləri Ermənistanı heç də sevindirmir, bu baxımdan əsas vəzifə həmin müşahidələrin nişangahına düşməməkdir. Alınacaqmı? Bu, çevik xarici siyasətdən də çox daxili çevik mexanizmlərin formalaşmasından asılıdır. xarici çeviklik yalnız onun üzərində qurula bilər. Parlamentə seçkilərin nəticələri isə bu cür qiymətləndirməyə əsas vermir.

Digər tərəfdən, nə varsa artıq var və həll yolunu bunun əsasında tapmaq lazımdır, kimin mövcud mənzərənin bu və digər hissəsinə münasibətindən asılı olmayaraq. Son nəhayətdə, bir şey aydındır: kimin Ermənistana qarşı xarici iddiaları varsa, məhz daxili mənzərənin “əsasları”ndan istifadə edir.

Buna müvafiq olaraq, ya Ermənistan mövcud daxili mənzərədən istifadə üçün çevik mexanizmlər tapır, ya da həmin mexanizmləri daha geniş məsələlər üçün erməni problemlərindən istifadə etmək istəyən ölkələr tapırlar”.