Azərbaycanda koronavirusa yoluxanlar sürətlə sağalır: onların təxminən üçdə ikisi artıq sağalıb – rəsmi mənbələr bildirir

Bir sutka ərzində 38 yeni COVID-19 virusuna yoluxma halı və 42 sağalma qeydə alınıb.

Beləliklə, Azərbaycanda COVID-19 virusuna yoluxanların ümumi sayı 1518 nəfər olub, onlardan 20 nəfər ölüb, 907 nəfər isə artıq sağalıb – rəsmi statistika bunu deyir.

591 nəfərin müalicəsi davam edir.

Virusun üzə çıxarılması üçün 108 221 test həyata keçirilib.

Ölkədə karantin rejimi mayın 4-ə qədər uzadılıb, amma məmurlar bu həftə karantin rejimindən mərhələli çıxış planını açıqlamağa söz veriblər.

Həmçinin Azərbaycan Dağıstanda – Rusiya-Azərbaycan sərhədində ilişib qalan vətəndaşlarını vətənə gətirməyə başlayıb. Ötən iki gün ərzində 548 nəfər gətirilib. Onların hamısı iki həftəlik karantinə yerləşdiriliblər.