Azərbaycanda koronavirusdan ikinci ölüm halı
Yoluxanların sayı 93 nəfərə çatıb
Azərbaycanda altı yeni koronavirusa yoluxma halı qeydə alınıb, yoluxanlardan biri ölüb. Bu artıq ölkədə COVID-19 virusundan ikinci ölüm halıdır. Yoluxanların ümumi sayı 93 nəfərə çatıb. On nəfər sağalıb.
Ölən şəxs diabet və ürəyin işemik xəstəliyindən əziyyət çəkirmiş – “Report” xəbər verib. Virus aşkarlanandan sonra o, xəstəxanaya yerləşdirilib, amma elə həmin gün vəfat edib. Mərhumun ailə üzvləri və təmasda olduğu digər insanlar karantinə yerləşdirilib.
Hazırda Azərbaycanda 81 nəfər koronavirusdan müalicə olunur. Onlardan üç nəfər ağır vəziyyətdədir, beşinin vəziyyəti orta ağır kimi dəyərləndirilir, qalanlarının vəziyyəti isə stabildir.
