Azərbaycana Kubadan koronavirusla mübarizə üçün həkim qrupu gətirilib
Azərbaycanda koronavirusla mübarizədə həkim çatışmazlığı olduğundan, Nazirlər Kabinetinin qərarı ilə ölkəyə Kubadan xüsusi reys vasitəsilə 115 mütəxəsis həkim gətirilib.
Daha əvvəl də Heydər Əliyev fondunun dəvəti ilə Rusiyadan pandemiya ilə mübarizə üçün 22 həkim gətirilib.
“Tibbi Ərazi Bölmələrini İdarəetmə Birliyi”nin (TƏBİB) Şöbə müdiri Ramin Ağayev deyib ki, Kubadan gəlmiş həkimlər ölkədə 3 ay qalıb Azərbaycan həkimləri ilə birlikdə pandemiyaya qarşı mübarizə aparacaqlar.
Prezidentin köməkçisi Hikmət Hacıyevin sözlərinə görə, bu çətin məqamda təcrübə mübaliləsi vacibdir: “Azərbaycanda artım var və belə bir vaxtda təcrübə mübadiləsi vacibdir. Azərbaycanda yoluxma az olanda bizim də həkimlərimiz başqa ölkələrə köməyə gedə bilərlər. Həkimlərimiz arasında yoluxma və ölüm halları olan halda belə dəstək vacibdir”.
Hikmət Hacıyev onu da bildirib ki, həkimlərin Kubadan gətirilməsinə səbəb, onların daha əvvəl Ebola virusu ilə mübarizə təcrübəsinin olmasıdır.
