Azərbaycan müxalifəti növbəti razılaşdırılmamış mitinqin keçirilməsi ilə bağlı tərəddüd edir
Bakı şəhər İcra Hakimiyyəti növbəti dəfə şəhər mərkəzində mitinq keçirməyə icazə verməyib. Fevralın 16-da olduğu kimi müxalifətə yenə də etiraz etmək üçün Lökbanata getmək tövsiyə olunub. Sonuncu dəfə müxalifət tövsiyəyə uymayaraq mərkəzdə mitinq keçirməyə cəhd etmiş və polis bu cəhdin qarşısını almışdı.
Növbəti mitinq fevralın 29-a təyin edilib.
Mitinq müxalif “Müsavat” və “Respublikaçı Alternativ” partiyaları, həmçinin “D18” hərəkatı tərəfindən fevralın 9-da keçirilən parlament seçkilərində baş verən saxtakarlığa qarşı təşkil olunub.
Mitinq təşkilatçıları aksiyanın keçirilməsi üçün mümkün olan Bakının bir neçə yerini şəhər hakimiyytinə təklif ediblər. Məmurlar öz etirazlarını paytaxtın bu rayonlarında əhalinin sıx və hərəkətin daha intensiv olması ilə izah edib – “Turan” agentliyi məlumat verib.
Müxalifətçilər Lökbatana getmək istəmirlər və indi razılaşdırılmamış mitinqi harada keçirməyə və ya ümumiyyətlə keçirib-keçirməməyə qərar verməyə çalışırlar. Respublikaçı Alternativ Partiyasının lideri İlqar Məmmədov hesab edir ki, buna lüzum yoxdur.
“Bütün bunları nəzərə alaraq, məncə fevralın 29-da daha bir icazəsiz aksiya keçirməyimiz hədəflərimizə faydadan çox ziyan vura bilər. Diqqətimizi geniş siyasi iştirakçılığın hazırlanmasına, təşviqinə və uyğun siyasi şəraitin yetişdirilməsinə yönəltməliyik. Uyğun şərait yaradan kimi dinc, demokratik, konstitusion kütləvi aksiya qərarını yenidən verməliyik” – o, Facebook səhifəsində yazıb.
• Azərbaycanda parlament seçkiləri haqda hər şey bir dəqiqəlik videoda
• İlqar Məmmədov Azərbaycanda bir ailənin hakimiyyətinə alternativ haqda
