Avropa Məhkəməsi Azərbaycanı daha yeddi iddia üzrə cərimələyib
Avropa İnsan Haqları Məhkəməsi Azərbaycanı daha yeddi iddia üzrə 56300 avro cərimələyib. Bu, AİHM-nın ölkə üzərinə 300 minə yaxın cərimə qoymasından heç bir ay keçməmiş baş verib.
2021-ci il martın 11-də Avropa İnsan Haqları Məhkəməsi Azərbaycandan daxil olan yeddi iş üzrə qərarını açıqlayıb.
Vüqar Əliyev Azərbaycana qarşı
Siyasi fəal Vüqar Əliyev Azərbaycan hakimiyyətini özünə qarşı qanunsuz ittihamlarda və həbsində günahlandırıb. Əliyev yerli məhkəmə tərəfindən qanunsuz silah saxlamaqda ittiham olunub və azadlıqdan məhrum edilib.
- Azərbaycanlı jurnalist Əfqan Muxtarlı Gürcüstan hakimiyyətini məhkəməyə verib
- İkinci Qarabağ müharibəsi “razılaşdırılmışdı”? – Bakıdan şər
Bu işə baxılarkən Azərbaycan hökuməti iddiaçıya 6 min avro cərimə ödənilməsini təklif edib. Tərəflər bu şərtlə razılaşıblar.
Hökumət iddiaçılara pul təklif edir
Daha üç iddiaçı Azərbaycan hakimiyyəti nümayəndələrinin təklif etdiyi cərimə ödənişi ilə razılaşıb – Avropa Məhkəməsi gündəliyi məlumat verib.
Səbzəliyev Səid Nursi təlimlərini yaymaq ittihamı ilə 10 ay müddətinə həbs olunub. O, din azadlığının pozulması ilə bağlı şikayət verib. Bu iddia üzrə ona 4500 avro həcmində cərimə ödənəcək.
Natiq Mirzəyev isə həbsdə olduğu zaman ona göstərilən tibbi xidmətin keyfiyyətindən şikayət edib. Hökumət Mirzəyevə 1500 avro kompensasiya təklif edib, iddiaçı da razılaşıb.
Azərbaycanda xuliqanlığa görə məhkum edilən Durnisə Əhmədova mənəvi ziyana görə 3000 avro kompensasiya alacaq.
On iddiaçının hər birinə 3750 avro
“Rzamov və 9 nəfər Azərbaycana qarşı” işindədə cavabdeh və iddiaçı arasında razılaşma əldə edilib. Azərbaycan hökuməti onların hər birinə mənəvi ziyana görə 3750 avro (ümumilikdə bu iş üzrə cərimənin həcmi 37500 avrodur) kompensasiya ödəyəcək.
Onların hər biri türkiyəli din xadimi Səid Nursinin davamçılarıdır və dini toplantı zamanı saxlanılıblar. İddiaçılar hakimiyyəti onlara qarşı yolverilməz davranışda və din azadlıqlarının, o cümlədən də toxunulmazlıqlarının pozulmasında ittiham ediblər.
Bir iş dayandırılıb
İmanzadə Məmmədovanın Azərbaycana qarşı işinin araşdırması iddiaçının ölümü ilə əlaqədar olaraq dayandırılıb.
Qadın “Yeqova Şahidləri” dini təriqətinin davamçısı olub və hakimiyyəti din azadlığının pozulmasında, o cümlədən də əmlak hüquqlarına müdaxilədə ittiham edirdi.
Əmlak hüquqlarının pozulmasına görə 3800 avro
Ölkə hökuməti “Ağaməmməd Məmmədov Azərbaycana qarşı” işi AİHM-da araşdırılarkən iddiaçıya dəyən mənəvi ziyana görə 3800 avro kompensasiya təklif edib.
Məmmədov hakimiyyəti əmlak hüququnun pozulmasında ittiham edirdi.
