Türkiyə danışıqlar masasının arxasında olsun, ya olmasın. Şərhlər

Türkiyə Dağlıq Qarabağ məsələsinin nizamlanması üzrə danışıqlar prosesində – Azərbaycanda bunu ölkə üçün “qırmızı cizgi” adlandırırlar, Ermənistan bu cür şərtin qəbuledilməzliyini bəyan edir.  

• Qarabağ: Moskva və Vaşinqton daxil olmaqla hamı öz mövqeyini bəyan edib. Tezislər

• İlham Əliyev: “Azərbaycan xalqı erməni xalqının düşməni deyil”

• Sülhməramlılar və Azərbaycana rayonların qaytarılması – Rusiya XİN-i Qarabağdakı münaqişə haqqında

Türkiyənin danışıqlar masası arxasında olması Azərbaycan üçün mütləq şərtdir, ölkə prezidentinin köməkçisi Hikmət Hacıyev deyir. 

Türkiyə ya de-fakto, ya da de-yure problemin nizamlanmasında iştirak etməlidir, Azərbaycan dövlətinin başçısı İlham Əliyev xarici mediaya müsahibələrində bir neçə dəfə qeyd edib. 

Türkiyənin özündə bu məsələyə praktiki olaraq elə rəsmi Bakının gördüyü kimi yanaşırlar. 

“Bu günlərdə danışıqlar masası arxasında necəsə qəfil təkcə Moskva oldu. Arxasında qardaşımızın vurulduğu danışıqlar masası bizim üçün şərəf məsələsidir. 

Hətta Kanada Ermənistanın təzyiqinə tabe olaraq bizimlə silah ticarətini dayandırıb. Burdan belə aydın olur ki, Qərb məsələyə birmənalı yanaşmır. Sözsüz ki, başqa danışıqlar da olacaq. Bir daha xəbərdarlıq edirəm, Türkiyə mütləq Azərbaycandan olan qardaşlarımızın yanında durmalıdır. Hakimiyyəti bu məsələdə çox diqqətli olmağa çağırıram. Biz dünyaya haqlı olduğumuzu sübut etməliyik”, – müxalif türk partiyasının sədri İyi Meral Akşener bəyan edib.   

Azərbaycan parlamentinin deputatı Hikmət Babaoğlu eyni fikirdədir:

“Azərbaycan ötən illər ərzində qlobal ictimai fikri öz xeyrinə dəyişə bilib. Bu gün dünya ictimaiyyəti nadir istisnalar olmaqla ölkəmizin haqq işini dəstəkləyir. Lakin Fransanın – ATƏT-in Minsk qrupunun həmsədrinin son bəyanatları yalnız təəssüf hissi doğurur. Bu  gün bu ölkə Azərbaycana qarşı lobbiçilik etməyə başlayıb. Fransa eyni zamanda həmsədrlərin radikal qərarlar qəbul etməsinə çalışır. Bu, yolverilməz mövqedir. Müharibədən sonra bizi çox ciddi danışıqlar gözləyir. Şübhəsiz ki, Minsk qrupunun həmsədrlərindən biri Türkiyə olmalıdır”.    

 ATƏT-in Minsk qrupunun həmsədrləri “dəqiq anlamalıdır ki, bu, Ermənistanın sonuncu şansıdır”, – azərbaycanlı politoloq Şəbnəm Həsənova deyir: 

“Onlar qəti addımlar atmalı və erməni silahlı qüvvələrinin işğal etdiyi Azərbaycan ərazilərinin azad edilməsinə nail olmalıdırlar. Əks-halda hərbi əməliyyatlar bərpa ola bilər və o zaman heç kəs Ermənistanı xilas edə bilməyəcək. Danışıqlar BMT-nin Təhlükəsizlik Şurasının qətnamələrinin baza prinsiplərinə, Helsinki  yekun aktına əsaslanmalıdır. Ermənistan bu tələbləri yerinə yetirməli və öz qoşunlarının Azərbaycanın ərazilərindən çıxarılması qrafikini təqdim etməlidir. Həmsədrlər öz işini bu istiqamətdə qurmalıdır.   

O ki qaldı Türkiyəyə, qardaş ölkə Azərbaycanın qəbul etdiyi qərarları dəstəkləyir və dəstəkləməyə davam edəcək. Türkiyənin dəfələrlə qeyd etdiyi kimi, o həm döyüş meydanında, həm də danışıqlar masası arxasında yanımızda olmağa hazırdır”.

Rusiyanın Dağlıq Qarabağ üzrə sabiq səlahiyyətli nümayəndəsi, ATƏT-in Minsk qrupunun rusiyalı həmsədri Vladimir Kazimirov diametral əks fikirdədir.     

“Türkiyə Rusiyanın danışıqlar üzrə obyektiv vasitəçi olmadığı, müstəsna şəkildə Ermənistan və Qarabağ ermənilərinin müdafiəçisi olduğu , Türkiyəninsə Azərbaycanın maraqlarını dəstəklədiyi  fikrini təsdiqləməyə çalışır”, – o bəyan edib. 

“Bundan başqa, əgər Türkiyə cəlb olunursa, onda danışıqlara niyə bu bölgədə yerləşən İran qoşulmasın ki? Türklər hazırkı şəraitdə bütövlükdə bölgəni deyil, yalnız özlərini fikirlərşirlər. Bu tamamilə cəfəng ideyadır”, – Kazimirov yekunlaşdırıb.