Azərbaycanda telekanal bağlanıb

İyulun 18-də axşam Milli Televiziya və Radio Şurası (MTRŞ) Baş Prokurorluğun müraciəti əsasında ANS telekanalının yayımını dayandırıb. İyulun 19-da məlum oldu ki, kanalın işi bir ay müddətinə dayandırılıb.

Meydan.tv məlumat verir ki, növbəti gün telekanalın binasında yoxlama aparılıb, işçilər isə xəbəri həyətdə gözləyirdilər. Telekanalın rəhbərləri Vahid Mustafayev və Mirşahin Ağayevin isə işçilər prokurorluqda olduğunu güman edirlər.

MTRŞ-nin bəyanatında deyilir ki, “Azərbaycan ictimaiyyəti, vətəndaş cəmiyyəti institutları türk xalqı ilə həmrəyliyini ifadə edərək, qanuni qəbul edilmiş hakimiyyətin devrilməsi cəhdini sərt şəkildə pislədilər.
ANS telekanalı isə Azərbaycan və Türkiyə xalqları arasında qardaşlıq və strateji tərəfdaşlıq münasibətlərinin ruhuna zidd mövqe tutub, Türkiyə dövlətinin və hakimiyyətinin əleyhinə təbliğat aparıb, bu ölkədə terrorçu təşkilat kimi tanınan, çoxsaylı insan ölümünə səbəb olmuş qanlı hadisələri təşkil edən Fətullah Gülənə və onun tərəfdarlarına dəstək verib.

Şura hesab edir ki, ANS telekanalı reportajlarında, müsahibələrdə Türkiyədə baş verən hadisələri “hakimiyyət tərəfindən təşkil edilən şou olduğunu təlqin etməyə, Türkiyə hakimiyyətinin həyata keçirdiyi tədbirləri gözdən salmağa çalışıb. Telekanalın müxbiri ABŞ-da Türkiyədə hakimiyyət çevrilişinə rəhbərlik etməkdə şübhəli bilinən Fətulla Güləndən (din və ictimai xadim) müsahibə alıb. Bu müsahibənin anonsundan sonra kanal bağlandı.

Şura etiraf edir ki, qərar Türkiyə səfirliyinin xahişi ilə qəbul edilib: “Türkiyənin hakimiyyət orqanları, bu ölkənin səfirliyi Azərbaycanın dövlət qurumlarına müraciət edərək məsələ ilə bağlı dərin narahatlıqlarını bildirib və müvafiq tədbir görülməsini xahiş ediblər.

“Ərdoğan Türkiyəsinin TV kanalları ölkə teleməkanının 70%-ni tutub, bu haqda çox yazmışam, bu informasiya hegemonluğundan AKP istənilən an hakimiyyətə qarşı istifadə edə bilər, ara-sıra istifadə edib de, – siyasətçi və iqtisadçı, ReAl hərəkatı idarə heyətinin üzvü Natiq Cəfərli deyir. – ANS-in bağlanması çox pis hal olmaqla yanaşı, ölkədə necə zəif, hər yerdən asılı olan bir iqtidarın olduğunun da bariz nümunəsidir.

«Bu ANS-i də o narazı olduqları gəlinlər kimi, gah “atası evinə göndərirlər, gah geri qaytarırlar, – jurnalist Nicat Məlikov özünün Facebook səhifəsində yazır.

ANS telekanalı dəfələrlə dövlət tərəfindən təzyiqlərə məruz qalıb. Kanal MTRŞ-in tələbi ilə cərimə olunub, bu orqan həm də bu və ya digər verilişlərin bağlanmasını tələb edib, aparıcıların leksikasından narazılığını bildirib. 2006-cı ilin noyabr ayında telekanalının lisenziyasını aldılar və 2007-ci ilin əvvəllərinə qədər o efirə çıxmırdı, qayıdandan sonra isə əvvəlkindən daha böyük loyallıq nümayiş etdirib.

“Bu illər ərzində telekanal pisə doğru xeyli dəyişib, – jurnalist Məhərrəm Zeynalov deyir. – Əvvəllər hardasa problemlər olanda, ağaclar kəsiləndə, evlər söküləndə ANS gəlir və “xalqın səsinə çevrilirdi. Bu, artıq çoxdandır ki, yoxdur. Bununla belə, harasa gələndə insanlar məndən “ANS-dən gəlmisiz? – deyə soruşurlar.

Dərc edilib 19.07.2016