Koronavirus: milyonlarla insan Çində evində qapalı qalıb, laynerlər karantində, bütün dünya üzrə konfranslar təxirə salınıb
Koronavirusun xronikası
17 fevral
Fevralın 17-i səhər saatlarına olan məlumata əsasən, dünyada 71 min 810 koronavirusa yoluxma halı təsdiqlənib. Bu halların mütləq əksəriyyəti yenə də Çinin Xubey vilayətində qeydə alınıb.
Həmin günə qədər virusdan 1,775 nəfər tələf olub, 11,188 nəfər sağalıb.
Fevralın 16-da Çin hakimiyyəti 2,048 koronavirusa yoluxma halı haqda məlumat verib. Onların böyük hissəsi – 1933 – epidemiyanın meydana gəldiyi Xubey vilayətinin və Uhan şəhərinin payına düşür – BBC xəbər verir.
Xəstəliyin yayılmasını bu onlayn xəritədən izləmək mümkündür.
_________________________________________________
Çində mənzillərdən çıxmağa qadağa qoyulub və kütləvi yoxlamalar həyata keçirilir
Çin hakimiyyəti Uhan şəhərinin (14 milyon insan) və Xubey əyalətinin (6 milyon insan) sakinləri üçün qaydaları kəskin sərtləşdirib. İnsanlara evlərindən çıxmamaq əmr edilib. Ərzaq almaq üçün hər mənzildən/evdən bir nəfərə üç gündən bir küçəyə çıxmağa icazə verilib.
Yaşayış komplekslərində biri istisna olmaqla bütün giriş-çıxışlar bağlanıb, açıq olan yeganə çıxış da bütün sutka boyu mühafizə olunur ki, girib-çıxanlara tam nəzarət edildiyi zəmanət altında olsun.
Şəxsi avtomobillərdən istifadə qadağan edilib, ictimai nəqliyyat yoxdur, yalnız piyada hərəkət etmək mümkündür.
Aptek, otel, ərzaq mağazası və tibb xidmətlərindən başqa bütün idarə və müəssisələr bağlıdır.
Epidemiya ilə bağlı qadağaları pozanlar üçün cəzalar əhəmiyyəti dərəcədə sərtləşdirilib. Qəsdən başqalrını yoluxduma halları ömürlük azadlıqdan məhrutetmə və ya ölüm hökmü ilə cəzalandırılacaq. Epidemiya ilə mübarizədən gəlir mənbəyi kimi istifadə edən məmurları da ölüm hökmü gözləyir.
Dünyada koronavirus epidemiyası ilə bağlı hadisələr
•ABŞ-ın 400 vətəndaşı xəstəliyin yayıldığı Yaponiyanın Yokohama limanındakı The Diamond Princess kruiz gəmisindən evakuasiya olunub. Vətəndə onları 14 günlük karantin gözləyir. Onların 40 nəfərinə koronavirus diaqnozu qoyulub, xəstələr xəstəxanalara yönləndiriləcək.
Həmin günə qədər gəminin 355 sərnişinində artıq virus aşkarlanıb. Yaponiya hökuməti gəmidə qapalı qalan insanlara 2000 “ayfon” – hər kayutaya biri olmaqla – paylayıb. Hər telefona Yaponiya Səhiyyə Nazirliyi tərəfindən yaradılan əlavə yüklənib. Bu əlavə vasitəsilə insanlar dərhal həkimlərlə, əczaçılarla və psixoloji sağlamlıq üzrə məsləhətçilərlə əlaqə yarada bilirlər.
•İsrail, Hinkonq, Kanada, Nepal da The Diamond Princess gəmisindən öz vətəndaşlarını evakuasiya ediblər. Avstraliya elan edib ki, onlar da 200 nəfər vətəndaşlarının evakuasiyası ilə məşğuldurlar.
•Başqa bir kruiz gəmisi “Vesterdam” da Komboca sahillərində karantinə alınıb – sərnişinlərdən birində koronavirus aşkarlanıb.
•Epidemiyanın daha da yayılmasından ehtiyatlandıqları üçün Çində iqtidarda olan Kommunist Partiyasının qurultayı və Yaponiya imperatorunun təntənəli tacqoyma mərasimi kimi tədbirlər də təxirrə salınıb.
•Barselonada ən nəhəng kompüter sərgisi təxirə salınıb.
•Çinin Xiaomi şirkəti Avropada ən yeni telefon modellərinin təqdimatını təxirə salıb.
•Mediada Yaponiyada bu yay keçirilməli olan Olimpiadanın başqa vaxta keçirilməsi ehtimalı haqda çox sayda məlumat yayılıb.
Fevralın 13-ü səhər saatlarına olan məlumata əsasən, dünyada 64 437 koronavirusa yoluxma halı təsdiqlənib. Bu halların mütləq əksəriyyəti Çinin Xubey əyalətində qeydə aınıb.
Həmin günə qədər virusdan 1383 nəfər tələf olub, 6886 nəfər sağalıb.
Çin hakimiyyəti bildirir ki, belə kəskin artımın səbəbi yeni diaqnostika metodudur. İndi insan orqanizmində koronavirusa yoluxmanı müəyyən etmək üçün sadə MRT (maqnit-rezonans testi) nəticəsindən istifadə olunur.
Dünyadakı bir çox mütəxəssislər isə xəbərdarlıq edirlər ki, MRT bu cür infeksiyaların üzə çıxarılması üçün etibarlı vasitə deyil. Adi qripə yoluxan və ya pnevmaniyalı pasiyentlər də koronavirusa yoluxanlar arasında ola bilər.
Mümkündür ki, Çin epidemiyanın öhdəsindən gələ bilmir
Çin hakimiyyətinin epidemiyaya hazır olduğuna, yetərli tibbi və təşkilati potensiala sahib olduğuna dair şübhələr getdikcə böyüyür. “Bloomberg” yazır:
•Xəstəxanalar həddən artıq doludur, pasiyentlər üçün yeni nəhəng sığınacaqlar təşkil olunur.
•ixtisaslaşmış tibbi personal və avadanlıq, o cümlədən də test üçün dəstlər kəskin çatışmır.
•Çoxları diaqnoz qoyulub, müalicəyə başlanması üçün dəhlizlərdə ağır vəziyyətdə növbə gözləmək məcburiyyətindədir. Bəziləri həkimə müraciət etmədən ölür.
•Kimin nə zaman testdən keçirildiyi ilə bağlı aydın mənzərə yoxdur.
Uhan şəhərində, episentrdə virus yayılır, həkimlər bir-bir evləri gəzirlər. Amma epidemiya rayonu daxilində çoxları tibbi briqadaları görən kimi gizlənirlər – çünki ailədə xəstə müəyyən edilərsə, bütün ailəni gözləyən demək olar ki, həbsxana səviyyəsində təcriddən və qonşular tərəfindən məruz qalacaqları sürgündən qorxurlar.
Ekspertlər media üzərində total dövlət nəzarətinin əhalini qarşılaşacaqları təhlükə haqda vaxtında məlumatlandırmağa imkan vermədiyini böyük problem hesab edirlər.
