Մոսկվայի նախկին քաղաքապետ Յուրի Լուժկովը Վրաստան է ժամանել

Մոսկվայի նախկին քաղաքապետ Յուրի Լուժկովը  գտնվում է Վրաստանում, մայիսի 7-ին նա ներկա եղել Կանդա գյուղի (Թբիլիսիից 40կմ հեռավորության վրա) ասորական վանքում անցկացված պատարագին:

Հայտնի է, որ Լուժկովը նախորդ տարիներին բազմիցս այցելել է Վրաստանի օկուպացված տարածքներ, ինչն օկուպացված տարածքների մասին օրենքի խախտում է: «Լուժկովը Վրաստան է մտել օրինական փաստաթղթերով, որոնցում բացակայում էր նրա կողմից օկուպացված տարածքների մասին օրենսդրության խախտման վերաբերյալ որևէ տվյալ: Հետևաբար, սահմանապահը ոչ մի ֆորմալ առթի չի ունեցել այլ որոշում կայացնելու համար», — հայտարարել է Վրաստանի ՆԳ փոխնախարար Շալվա Խուցիշվիլին:

Կանդայի վանքի վանահայր, վարդապետ Սերաֆիմն իր ֆեյսբուքյան էջում պարզաբանել է, թե ինչու է նա ընդունել Մոսկվայի նախկին քաղաքապետին: Նրա խոսքով՝ նա վանքից դուրս չի վռնդելու և ոչ մի հյուրի:

«Ես ձեզ եմ հարցնում. ե՞ս եմ այդ մարդուն վիզա տվել: Ե՞ս եմ նրան Թբիլիսիի և Բաթումի պատվավոր քաղաքացի դարձրել: Եթե մարդուն երկիր են թողել, ե՞ս պետք է նրան դուրս անեի: Եկեղեցու դռները բաց են բոլորի համար, կլինի դա քաղաքական գործիչ, թե գյուղացի, իսկ եկեղեցում ես ոչ ոքի իրավունք չեմ տա խոսել քաղաքականության մասին», — իր արարքը բացատրել է վարդապետ Սերաֆիմը:

Հոգևորականը լրագրողներին հաղորդել է, որ Լուժկովի հետ մեկտեղ պատարագին ներկա է եղել նրա կինը՝ Ելենա Բատուրինան: «Նրանք հետաքրքրվում էին արամեերենով ծառայության մասին, եկել էին տաճար: Այդ այցի մասին մենք նախապես ոչինչ չգիտեինք», — ասել է հայր Սերաֆիմը:

Վրացական լրատվամիջոցների տվյալներով՝ Յուրի Լուժկովն այսօր այցելել է Ուպլիսցիխե հնագույն քաղաքն Արևելյան Վրաստանում:

Յուրի Լուժկովը հեռացվեց Մոսկվայի քաղաքապետի պաշտոնից Ռուսաստանի նախագահ Դմիտրի Մեդվեդևի կողմից 2010թ-ին: Լինելով ռուսական մայրաքաղաքի քաղաքապետ՝ Լուժկովն ակտիվորեն համագործակցում էր ինքնահռչակ Աբխազիայի և Հարավային Օսիայի հանրապետությունների, ինչպես նաև Աջարիայի ղեկավար Ասլան Աբաշիձեի հետ:

Հոդվածում արտահայտած կարծիքները փոխանցում են հեղինակի եզրերն ու հայացքները և պարտադիր չէ, որ արտացոլեն խմբագրության դիրքորոշումը: