Տրանսգենդերի և սեռափոխության առաջին պաշտոնական ճանաչումը Վրաստանում

Վրաստանում առաջին անգամ տրանսգենդերներն իրավական ճանաչում են ստացել։ 2021 թ-ի մարտի 25-ին Վրաստանի արդարադատության նախարարության որոշմամբ երկրի պատմության մեջ առաջին անգամ բավարարվել է առաջին դիմումը․ քաղաքացի Լ․Մ․-ի անձնագրում սեռի սյունակում «արականը» փոխարինվել է «իգականով»։

Սեռափոխության համար հայտատուն Պետական ծառայությունների գործակալություն է ներկայացրել տեղեկանք բուժհաստատությունից այն մասին, որ ինքը սեռափոխության վիրահատություն է տարել։ Նրան ուղղված տվյալներով ծննդյան վկայական է տրամադրվել։

• «Հույս է հայտնվել, որ մարդիկ կփոխվեն»։ Համերաշխություն Վրաստանում տրանսգենդեր անձանց հետ
• «Երբեք չգիտես՝ կենդանի կվերադառնաս տուն, թե ոչ»

«Կանանց նախաձեռնությունների աջակցության խումբ» կազմակերպությունն ասում է, որ Ստրասբուրգի դատարանում 2017 թ-ից քննվում են երկու վրացի տրանսգենդերների գործերը, որոնց մերժել են պաշտոնական փաստաթղթերում սեռը փոխելու հարցում։

Նրանց դեպքում Վրաստանի իշխանությունները հայտարարել են, որ սեռի նշումը փոխելու անհրաժեշտ պայման է սեռափոխության վիրահատությունը։

«Այդ պահանջը հակասում է Մարդու իրավունքների միջազգային և եվրոպական դատարանի չափանիշներին։ Դա մարդու իրավունքի սահմանափակում է, որը չի ուզում բժշկական միջամտության ենթարկվել, բայց տրանսգենդեր է», — ասված է կազմակերպության հայտարարությունում։