Տարանտինոն ինքն էլ է սիրում ֆիլմեր դիտել

Վիդեոբլոգեր և “Slate, “Fandor, & IndieWire և “Playboy առցանց հրատարակչությունների խմբագիր Ջեյկոբ Տ. Սուիննին կարճ զվարճալի տեսանյութ է հավաքել Քվենտին Տարանտինոյի 8 ֆիլմերի և ավելի քան 30 հին ֆիլմերի դրվագներով, որոնք միմյանց զարմանալիորեն նման են:

Իսկ երբեմն Տարանտինոն կրկնօրինակում է հին ֆիլմերի էպիզոդները:

«Քվենտին Տարանտինոյի վիզուալ հղումները» տեսանյութը Սուիննիի «Հանճարեղ ռեժիսորները երեք րոպեում» սերիայի մեջ է մտնում:

Սուիննին գրում է.

«Բոլորին է հայտնի, որ Տարանտինոն իրեն կինոմոլ է անվանում: Եվ կինոմատոգրաֆի հանդեպ նրա սերը պատկերավոր ձևով արտահայտվում է նրա սեփական ֆիլմերում: Բացի այն, որ նրա հերոսներն ահռելի ժամանակ են ծախսում ֆիլմերի քննարկումների վրա, Տարանտինոյի ֆիլմերը լեփ-լեցուն են նմանակումներով ու այն ֆիլմերի վիզիուալ հղումներով, որոնք նրան ոգեշնչել են ողջ կյանքի ընթացքում:

Ռեժիսորներից շատերն են հարգանքի տուրք մատուցում հին ֆիլմերին: Սակայն Տարանտինոն նրանցից առաջ է անցել՝ նույնությամբ կրկնօրինակելով դրվագներ տարբեր ժանրերից, դրանք բախելով միմյանց՝ սեփական և մյուսներից տարբեր ֆիլմ ստեղծելու համար:

Օրինակներից մեկը “Սպանել Բիլին 2 (2004) ֆիլմի սյուժեն է. այն կազված է “Լավը, վատը, չարը (1966) և “Սամուրայական պատմություն (1998) ֆիլմերից:
Տարանտինոյի աշխատանքներում ընդհանրապես տեղ են գտնում ինչպես հին, այնպես էլ ժամանակակից իտալական վեստերնները և ճապոնական կինեմատոգրաֆը:

Այլ ֆիլմերին հղում անելու նրա բացառիկ մեթոդը թույլ է տալիս փոխել ժանրի սահմանները և կոտրել այն շաբլոնները, որոնք մենք սպասում ենք վերապրել:

Նրա մեթոդները հաճախ են քննադատում, իսկ նրան՝ մեղադրում, որ նա “թխում է ուրիշ ռեժիսորների գաղափարները: Սակայն, թվում է, Տարանտինոն սիրային նամակներ է գրում արվեստին, որով նա այդքան տարված է:

Այս տեսանյութում բաժանված էկրանի միջոցով ներկայացված են Տարանտինոյի միայն մի քանի հարյուր վիզուալ հղումներ՝ սկսած գերմանական համր կինոյից, վերջացրած ամերիկյան փոքր բյուջետային կոմերցիոն ֆիլմերով»:

Տեսանյութում օգտագործված Տարանտինոյի ֆիլմերը.

• «Կատաղած շներ» (1992)
• «Քրեական ընթերցվածք» (1994)
• «Ջեքի Բրաուն» (1997)
• «Սպանել Բիլին» (2003)
• « Սպանել Բիլին 2» (2004)
• «Մահվան ապացույց» (2007)
• «Անփառունակ սրիկաները» (2009)
• «Ջանգո ազատագրվածը» (2012)

Այլ ֆիլմերի դրվագների հղումներ (հայտնվելու կարգով).

• «Այրվող քաղաքը» (1987)
• «Ջանգո» (1966)
• «Աութսայդերների բանդա» (1964)
• «8 1/2 » (1963)
• «Մարտիկները» (1979)
• «Փսիխո» (1960)
• «Մահացու համբույր տուր ինձ» (1955)
• «Ֆլինսթոունները» (1960-1966)
• «Սուպերծիտ» (1973)
• «Շրջանավարտը» (1967)
• «Քաղաքացի Քեյնը» (1967)
• «Գոկը՝ դժոխքից մարմիններ գողացողը» (1968)
• «Տիկին արյունոտ ձյունը» (1973)
• «Կենդանի մեռելների քաղաքը» (1980)
• «Սև կիրակի» (1977)
• «Մահվան խաղը» (1978)
• «Միլերի խաչմերուկը» (1990)
• «Մահ՝ ձիու վրա» (1966)
• «Գողանալ 60 վայրկյանում» (1974)
• «Սամուրայական պատմություն» (1998)
• «Շեղբի վրայով վազողը» (1982)
• «Փնտրողները» (1956)
• «Մեկ անգամ Վայրի Արևմուտքում» (1968)
• «Բռնցքամարտիկ թագավորը» (1972)
• «Լավը, վատը, չարը» (1966)
• «Պահակախումբը» (1978)
• «Հախճապակե փետուրներով թռչունը» (1970)
• «Չներվածը» (1992)
• «Փնտրողները» (1956)
• «Մետրոպոլիս» (1927)
• «Ջանգո» (1966)
• «Քամուց քշվածները» (1939)
• «Լռակյացը» (1968)
• «Վարձկանը» (1968)

Երաժշտությունը՝ “Փոքրիկ կանաչ պայուսակ (Little Green Bag) Ջորջ Բեյքեր Սելեքշնի կատարմամբ (“Կատաղած շներ ֆիլմից):