Երևան է վերադարձել ևս չորս ռազմագերի, Բաքու՝ երկուսը

Ռուսաստանի Դաշնության և Կարմիր խաչի միջազգային կոմիտեի միջնորդությամբ դեկտեմբերի 28-ին չորս հայ գերիներ վերադարձել են Հայաստան, երկուսը՝ Ադրբեջան։

Փոխվարչապետ Տիգրան Ավինյանի խոսքով՝ հայ գերիների վերադարձի մասին հարազատներն արդեն տեղեկացվել են։

«Գերիներն այժմ գտնվում են բժիշկների վերահսկողության ներքո և կստանան անհրաժեշտ բժշկակական ու բարոյահոգեբանկան աջակցություն», — Facebook-ի իր էջում գրել է փոխվարչապետը։

Նա հավաստիացնում է, որ գերիների փոխանակման գործընթացը շարունակվելու է:

• Ադրբեջանի և անհայտության գերիները. հայկական կողմի քայլերը նրանց վերադարձնելու համար

• Գերիներ էլ չկա՞ն։ Հայաստանն ու Ադրբեջանը հայտարարել են, որ փոխանակել են «բոլորին բոլորի դիմաց»

• Կարծիք․ արդյո՞ք հայերն ու ադրբեջանցիները կարող են ապրել միասին․ հետպատերազմյան իրավիճակի վերլուծություն

Ավելի վաղ` դեկտեմբերի 14-ին, հայրենիք են վերադարձվել  44 հայ և 14 ադրբեջանցի գերիներ։ Նրանց թվում էին ոչ միայն արցախյան երկրորդ պատերազմի (2020 թ․ սեպտեմբերի 27 — նոյեմբերի 10) ընթացքում, այլ նաև դրանից առաջ գերեվարվածները։