«Պրեմիում» տեսակի ներկրվող բենզինն Ադրբեջանում ավելի թանկ է արժենում, քան տարածաշրջանի այլ երկրներում

TURAN տեղեկատվական գործակալության կատարած հաշվարկները, ցույց են տվել, որ Ադրբեջանում «Պրեմիում» տեսակի բենզինն ամենաանշահեկան գինն ունի՝ տարածաշրջանի մյուս երկրների համեմատ։ Այսինքն՝ Ադրբեջանի միջին վիճակագրական բնակիչն ամսական կարող է իրեն թույլ տալ գնել այդ տեսակի բենզինի ավելի քիչ քանակ, քան, օրինակ, Վրաստանի և Ռուսաստանի բնակիչը։

Ի տարբերություն այլ տեսակների բենզինի, «Պրեմիումն» Ադրբեջանում չի արտադրվում, այն ներկրվում է արտասահմանից։ Հետևաբար, այն մյուս տեսակներից ավելի թանկ է, իսկ վերջերս կրկին թանկացել է․ եթե նախկինում ԱԻ-95 «Պրեմիում» տեսակի բենզինի մեկ լիտրն արժեր 1.25 մանաթ (0.70 դոլար), ապա այժմ գինն աճել է մինչև 1.50 մանաթ (0.88 դոլար)։

TURAN գործակալությունն օգտվել է ru.globalpetrolprices.com կայքի աղյուսակից և համեմատել ԱԻ-95-ի նոր արժեքը և հարևան երկրներում դրա արժեքի և միջին աշխատավարձերի հարաբերակցությունը։ Պարզվել է, որ եթե Ադրբեջանում միջին աշխատավարձով կարելի է ամսական գնել «Պրեմիում» տեսակի բենզինի 340-350 լիտր, ապա, օրինակ, հարևան Վրաստանում միջին աշխատավարձով կարելի է գնել 421 լիտր։

Այլ կերպ ասած, TURAN-ը եկել է այն եզրակացության, որ Ադրբեջանի բնակիչների համար այդ տեսակի բենզինն ամենաթանկ հաճույքն է բոլոր հարևան երկրների շարքում։

Ընդհանուր առմամբ, Ադրբեջանում բենզինը եռակի թանկացել է։ Նախորդ անգամ դա տեղի է ունեցել 2017թ-ի հուլիսին և նոյեմբերին։