Ուկրաինայում պայթում են Խարկովի մերձակայքում գտնվող ռազմամթերքի պահեստները

Hromadske.ua

Խարկովի շրջանի Բալակլեայում մարտի 23-ին՝ գիշերվա ժամը երեքի կողմերը պայթյուններ են սկսվել և հրդեհ է բռնկվել ռազմամթերքի պահեստում:

Քաղաքում և մերձակա բնակավայրերում տարհանում է հայտարարված: Գլխավոր ռազմական դատախազի տվյալներով՝ հրդեհը տեղի է ունեցել դիվերսիայի արդյունքում:

Բալակլեայից և հարակից բնակավայրերից մոտ 20 հազար մարդ է տարհանվել:

Դեպքի վայրից առցանց հեռարձակում է վարում hromadske.ua-ն:

Մոտ 600 իրավապահներ կարգուկանոնն են պահպանում: Տեղում աշխատում է բնակչության տարհանման 6 կետ:

Դեպքի վայրում անջատված է գազն ու էլեկտրականությունը: Արգելված է ավտոմոբիլային, ավիացիոն և երկաթուղային տրանսպորտի երթևեկությունը:

Տեղում արտակարգ իրավիճակի չեզոքացման շտաբ է բացվել: Զոհվածների մասին տեղեկատվություն դեռևս չկա:

Ինչպես հաղորդել է Ուկրաինայի պաշտպանության նախարար Ստեպան Պոլտորակը, պայթյունի վայրի օդային տարածքը փակ է: Նրա խոսքով՝ պահեստի պայթյունները զգալի վնաս չեն հասցրել երկրի պաշտպանունակությանը:

Վարչապետ Վլադիմիր Գրոյսմանը դեպքի վայր է մեկնել: