ՀԱՅԵՐԵՆ arrow icon
Աջակցեք մեզ
Աջակցեք մեզ
ՀԱՅԵՐԵՆ arrow icon
messenger vk-black email copy print
Արխիվ-

Նույնականացվել է աբխազական պատերազմում զոհված ևս 25 հոգու աճյուն

messenger vk-black email copy print

Աբխազական պատերազմի ժամանակ անհետ կորած համարվող 25 մարդու աճյուն նույնականացվել և տեղափոխվել է Թբիլիսի: Այդ մասին այսօրվա բրիֆինգին հայտարարել է բռնի տեղահանված անձանց գործերով, փախստականների և վերաբնակեցման նախարար Սոզար Սուբարին:

Նրանց թվում, ում աճյունները հաջողվել է նույնականացնել, Սուխումի քաղաքապետ Գուրամ Գաբիսկիրիան է, ինչպես նաև պետանվտանգության գնդապետ Մամիա Ալասանիան՝ Իրակլի Ալասանիայի հայրը:

«Այդ բոլոր 25 անձինք հերոսներ են: Նրանց թվում են և մարտիկներ, և այնպիսի մարդիկ, որոնք մինչև վերջին րոպեն պաշտպանել են Վրաստանի ամբողջականությունն ու նրա անկախությունը», — բրիֆինգին հայտարարել է Սոզար Սուբարին:

Նա աջակցության համար շնորհակալություն է հայտնել Կարմիր Խաչի միջազգային կոմիտեին և որոնումներին մասնակցած աբխազական կողմի ներկայացուցիչներին:

«Աբխազական կողմն անում է անհրաժեշտ ամեն ինչ, որպեսզի գործընթացը դինամիկ և դրական անցնի», — հայտարարել է Սուբարին:

Բրիֆինգին խոսվեց նաև այն մասին, որ Աբխազիայում վերջին տարում գտնվել է 91 մարդու աճյուն: Ներկա պահին նույնականացվել է 25 աճյուն:

Go to top

  • 2010թ-ին Կարմիր Խաչի հովանու ներքո ստեղծվել է երկկողմանի համակարգող խումբ, որը զբաղվում է 1992-1993թթ-ի վրաց-աբխազական հակամարտության ժամանակ անհետ կորածների հետ կապված հարցերով: Բանակցությունների արդյունքում որոշում է կայացրել Բաբուշերայի եղբայրական գերեզմանը բացել և արտաշիրիմում անել:|
  • 2010թ-ից մինչև հիմա 325 մարդու աճյուն է գտնվել, որոնք անհետ կորած էին համարվում աբխազական հակամարտության արդյունքում: 126 մարդու անձ է հաստատվել (ներառյալ այն 25-ին, որոնց մասին արդեն խոսվեց): Մնացածների ինքնությունը պարզելու գործընթացը շարունակվում է:
  • 1990-ականների հակամարտությունների և 2008թ-ի օգոստոսի պատերազմի արդյունքում ավելի քան 2400 մարդ անհետ կորած է համարվում:
  • Զինված հակամարտությունն Աբխազիայում սկսվել է 1992թ-ի օգոստոսի 14-ին, շարունակվել է 13 ամիս և 13 օր և ավարտվել 1993թ-ի սեպտեմբերի 27-ին վրացական զինված ուժերի պարտությամբ: Ըստ չճշտված տվյալների՝ զինված հակամարտության զոհ է դարձել ավելի քան 13 հազար մարդ: Աբխազիայից բռնի տեղահանվել է մոտ 300 հազար մարդ:

Go to top

Հրապարակման մեջ տեղ գտած եզրերը, տեղանունները և գաղափարները կարող են չհամընկնել JAMnews-ի կամ նրա առանձին աշխատակիցների կարծիքների և գաղափարների հետ: JAMnews-ն իրեն իրավունք է վերապահում հեռացնել հրապարակման այն մեկնաբանությունները, որոնք կգնահատվեն որպես վիրավորական, կպարունակեն բռնության կամ սպառնալիքի կոչեր, կամ այլ պատճառներով էթիկապես անընդունելի կլինեն:

ԱՌԱՎԵԼ ԿԱՐԴԱՑՎԱԾ

ԼՈՒՐԵՐ

Մուլտիմեդիա