Մոսկվայում փողոց է դուրս եկել 10 հազար մարդ, 1,000 հոգի ձերբակալվել է
JAMnews, «Դոժդ» հեռուստաընկերության նյութերի հիման վրա
Ավելի քան 1,000 մարդ է Մոսկվայում ձերբակալվել կոռուպցիայի դեմ չարտոնագրված բողոքի ակցիայի արդյունքում: «Ես զբոսնում եմ» պայմանական կարգախոսով փողոց էր դուրս եկել ընդհանուր առմամբ 10 հազար մարդ, հաղորդում է «Դոժդ» հեռուստաընկերությունը:
Ակցիայի կազմակերպիչ ընդդիմադիր քաղաքական գործիչ Ալեքսեյ Նավալնիին ձերբակալել են դեռևս առավոտյան: Նա ոստիկանության բաժանմունքում կմնա մինչև դատը, որը կկայանա վաղը:
Կոռուպցիայի դեմ ակցիաներ են անցկացվել Ռուսաստանի շատ քաղաքներում: Ոստիկանությունը չարտոնագրված ակցիաների տասնյակ մասնակիցների է ձերբակալել Վլադիվոստոկում, Հարավային Սախալինսկում, Խաբարովսկում, Եկատերինբուրգում և այլ քաղաքներում:
«Դոժդ»
