Հրապարակվել է լրագրողների ցանկը, որոնք Ադրբեջանի կառավարությունից բնակարաններ են նվեր ստացել

Հուլիսի 20-ին՝ Ազգային մամուլի օրվանից երկիու օր առաջ Ադրբեջանի նախագահ Իլհամ Ալիևը մասնակցել է «Լրագրողների երկրորդ տան» բացմանը: Հրապարակվել է 133 լրագրողների ցանկը, որոնք անվճար բնակարաններ են նվեր ստացել կառավարությունից:

«Հիմա մենք նշելու են երկրորդ շենքի բացումը: Առաջին շենքում 156 բնակարան կա, երկրորդում՝ 255: Միաժամանակ մենք այսօր երրորդ շենքի հիմնարկեքը կանենք: Երրորդ շենքում նույնպես 255 բնակարան է նախատեսվում», — ասել է նախագահ Իլհամ Ալիևը բացման արարողությանը:

Հրապարակվել են 133 բնակարանների սեփականատերերի անունները: Նրանց թվում են ինչպես առավել հայտնի, հարգված լրագրողներ, այնպես էլ ոչ միայն ընթերցողին, այլ նաև գործընկերներին անհայտ լրագրողների անուններ: Բնակարան ստացածների ցուցակը կարելի է կարդալ այստեղ:

Կառավարության կողմից անվճար բնակարանների տրամադրումը սոցցանցերում լուրջ քննարկումների առարկա է դարձել: Որոշ օգտատերեր դա անվանեցին լրագրողների քողարկված կաշառք, մյուսները համարեցին, որ լրագրողները վաստակել են կենցաղային պայմանների բարելավում, և պետք է վերցնել բնակարանները, քանի դեռ տալիս են:

Առաջարկում ենք Ֆեյսբուքի օգտատերերի գրառումներից մեջբերումներ՝ չնշելով հեղինակների անունները:

«Շնորհավորում եմ բնակարան ստացած գործընկերներիս: Թող նոր բնակարաններում միայն հաճելի նորությունների լսեն: Շատ կուզեի, որպեսզի Ադրբեջանում յուրաքանչյուր լրագրող կարողանար բնակարան գներ իր աշխատավարձով: Գիտեմ, որ դա ուտոպիա է, սակայն հույսից բացի բան չի մնում»:

«Գրկում եմ բոլորին, ովքեր ազատվել են վարձակալած բնակարանում ապրելու անհրաժեշտությունից: Որպես «վարձակալության» 17-ամյա ստաժ ունեցող մարդ ես հիանալի հասկանում եմ նրանց զգացմունքները: Շնորհավորում եմ նաև նրանց, ովքեր, ունենալով 2 կամ 3 բնակարան, նույնպես հայտ են ներկայացրել և ստացել հերթականն այն տրամաբանությամբ, թե «ինչու չվերցնել, եթե պետությունը բաժանում է»: Չեմ նեղանում, չեմ չարահեգնում: Հաղթողներին չեն դատում: Սակայն վստահ եմ, որ նրանց ուրախությունը տարբերվում է առաջինների ուրախությունից»:

«Հարգելի Mark Elliot Zuckerberg,

խնդրում ենք Ձեզ շենք կառուցել Ադրբեջանում Ֆեյսբուքի ակտիվ օգտարերերի համար: Չէ՞ որ մենք նպաստում են կայքի պոպուլյարիզացիային: Ճգնում ենք, գրառումներ անում, լայքեր հավաքում և դնում…»:

«Ինձ բնակարան են տվել Լրագրողների առաջին տանը: Դրանից առաջ 21 տարի վարձով էի ապրում: Դա ոչ թե նվեր էր, այլ վաստակած պարգևավճար: Այսօր բնակարաններ են տվել էլի շատ արժանի գործընկերների: Ես չեմ հասկանում նրանց, ովքեր հաճույք են ստանում նրանից, որ ապրում են տարբեր կառավարությունների ստացած փողով և քննադատում նրանց, ովքեր «փող են ստացել իշխանությունից»: Ես իշխանությունից բնակարան ստանալուց հետո իրապես անկախ եմ դարձել: Ես դադարել եմ «բոմժ» լինել: Սա առաջին հերթին: Երկրորդ հերթին՝ տալիս են, վերցրու: Ի վերջո 21 տարի ես բնակարանի վարձ եմ տվել, այժմ այդ գումարը գնում է երեխաների ուսմանը, իսկ երեխաներն իմ կյանքն են, հույսն ու ապագան»:

«Ինչ-որ մեկին տուն գնալիս կալանավորում են, մյուսներին՝ բնակարան տալիս: Այս ցուցակում ես գիտեմ լրագրողի, որը երկու բնակարան ունի, սա երրորդն է լինելու: Գիտեմ շատերին, ովքեր անձնական զրույցներում իշխանություններին ինձնից ավելի կոշտ են քննադատում: Անցնում է մեկ օր, գովաբանություններ են անում և սպասում իրենց հերթին»:

«Բնակարաններ բաժանելու փոխարեն ավելի լավ կլիներ կալանքի տակ գտնվող լրագրողներին ազատ արձակեին»:

(Այսօրվա դրությամբ Ադրբեջանում կալանքի տակ է նվազագույնը 8 լրագրող և բլոգեր — խմբ.):

«Ընկերներ, շնորհավորեք մեր ընտանիքին: Մենք 20-ից ավել տարի լրագրությունում ենք, վերջապես մեր բախտն էլ բերեց այսպիսի կարգավիճակ ունենալ: Մեր աշխատանքը գնահատել են: Մենք շնորհակալ ենք մեր պետությանն ու պարոն նախագահին այն ուրախության համար, որը նա պարգևեց մեր լրագրողական ընտանիքին, և մեր կենցաղային ու բնակարանային պայմանների բարելավման համար»:

Բնակարաններ բաժանելու վերաբերյալ մեկնաբանություններին և փորձագետների մեկնաբանություններին կարելի է ծանոթանալ JAMnews-ի նյութում:

https://jam-news.net/?p=39093&lang=hy