Հյուսիսային Կորեան կանչում է ռուս զբոսաշրջիկներին

Մարդիկ տոնում են Ազատագրման օրը: Փհենյան, Հյուսիսային Կորեա, 2015թ-ի օգոստոս, REUTERS/Յուրի Մալցև

«Ազատություն ռադիոկայանի» և «Ինտերֆաքսի» նյութերի հիման վրա

Go to top

Զբոսաշրջության զարգացում

NKOREAN ընկերությունը ռուս զբոսաշրջիկներին կօգնի ԿԺԴՀ վիզա ստանալ 3-5 օրվա ընթացքում: Նախկինում այդ գործընթացը տևում էր մոտ 2-3 շաբաթ: Այդ մասին պատմել է հյուսիսկորեական դեսպանատան խորհրդական Կիմ Սեն Հուն:

Ռուսաստանի զբոսաշրջային գործակալությունների միության նախագահ Սերգեյ Գոլովը վերջերս տեղի ունեցած մամուլի ասուլիսին հաղորդել է, որ մեծ հույսեր է կապում բացված զբոսաշրջային գործակալության հետ, քանի որ ռուս սպառողը մեծապես հետաքրքրված է ԿԺԴՀ ճամփորդությունով:

Նա խոստացել է, որ միությունը NKOREAN-ին տեղեկատվական աջակցություն կցուցաբերի:

Զբոսաշրջային ինդուստրիայի ռուսական միության տվյալներով՝ 2016թ-ին Հյուսիսային Կորեա է այցելել 423 զբոսաշրջիկ Ռուսաստանից:

Զբոսաշրջության հետևանքները

Բոլորովին վերջերս ԱՄՆ կառավարությունն արգելել է իր քաղաքացիներին ԿԺԴՀ մեկնել: Դա տեղի է ունեցել ամերիկացի ուսանողի մահից հետո, որին Հյուսիսային Կորեայում դատապարտել էին 15 տարվա ուղղիչ աշխատանքների:

Օտտո Ուորմբիրը հյուսիսկորեական բանտում նստած էր 2016թ-ի մարտից մինչև 2017թ-ի հունիս: Նրան դատապարտել էին 15 տարվա ուղղիչ աշխատանքների պրոպագանդիստական պաստառ գողանալու համար: Ենթադրաբար շուտով դրանից հետո Ուորմբիրը կոմայի մեջ էր հայտնվել, և հունիսին նրան վերադարձրել էին հայրենիք: Մի քանի օր անց նա մահացել էր: Ամերիկյան բժիշկները Ուորմբիրի մոտ ախտորոշել էին «ծանր նյարդաբանական վնասվածք»:

Հիմա գրեթե ամեն օր երկու կողմից էլ՝ հյուսիսկորեական և ամերիկյան, ծայրահեղ ագրեսիվ հայտարարություններ են արվում: Վերջին շաբաթներում երկու պետությունների ղեկավարների կողմից օգտագործվող հռետորաբանությունն ավելի ու ավելի սպառնալից է դառնում:

ԱՄՆ նախագահ Դոնալդ Թրամփը հայտարարել է, որ եթե ԿԺԴՀ-ն Ամերիկայի կամ նրա դաշնակիցների դեմ զենք կիրառի, ԱՄՆ-ն կոչնչացնի Հյուսիսային Կորեան: ԿԺԴՀ առաջնորդ Կիմ Չեն Ընը Թրամփի այդ խոսքերն ընկալել է որպես պատերազմի բացահայտ հայտարարություն և խոստացել, որ իր երկիրը «պատասխան գերկոշտ միջոցների» կդիմի:

Զբոսաշրջության հնարավորությունները

Ռուսաստանում Հյուսիսային Կորեայի դեսպանատան ներկայացուցիչները պարբերաբար մամուլի ասուլիս են անցկացնում և պատմում, որ ԿԺԴՀ-ում օրինապաշտ զբոսաշրջիկներին ոչինչ չի սպառնում: Պետք է պարզապես որոշ կանոնների հետևել:

Մասնավորապես.

• Հյուսիսային Կորեայում զբոսաշրջիկներն իրավունք չունեն ազատ տեղաշարժվելու առանց ուղեկցող տեղացի գիդի;

• արգելված են աղքատության, մահվան կամ ապահարզանի մասին խոսակցությունները;
• արգելված են երկարատև երկխոսությունները տեղի քաղաքացիների հետ;
• հյուսիսկորեացիներին կարելի է լուսանկարել միայն նրանց թույլտվությամբ: