ՀՀ Պետական եկամուտների կոմիտեից ազատվել է 200-ից ավելի աշխատակից

Պետական եկամուտների կոմիտեում կառուցվածքային փոփոխություններ են եղել: Հայաստանյան լրագրողների հետ զրույցում այս հարցին անդրադարձել է ՊԵԿ նախագահ Վարդան Հարությունյանը:

Հունվարի 1-ից մինչ օրս աշխատանքից ազատվել է 200-ից ավելի աշխատակից, կրճատումներ են եղել ոչ միայն հարկային ծառայությունում, այլ ողջ համակարգում:

Վարդան Հարությունյանը չի հանաձայնվել այն ենթադրության հետ, թե հաստիքներն էին ուռճացված եղել: «Ուղղակի վաղուց ՊԵԿ-ում կառուցվածքային փոփոխություններ չէին եղել, հիմա որոշել ենք նաև կառուցվածքային փոփոխություններ անել: Ժամանակի հետ քայլելու խնդիր կա: Տեխնոլոգիաների դարաշրջանում ենք ապրում, և պետք էամեն ինչը համապատասխանեցնենք այսօրվա գործող երևույթներին»,- բացատրել է ՊԵԿ նախագահը: