Հարավային Օսիա. ինչպե”ս են անցնում նախագահական ընտրությունները. Լուսանկարներ և տեսանյութ

Բոլոր երեք թեկնածուները ներկա էին Ցխինվալի եկեղեցում մատուցված պատարագին

Այսօր՝ ապրիլի 9-ին , Հարավային Օսիայում միաժամանակ անցկացվում են նախագահական ընտրություններ և հանրաքվե Հարավային Օսիայի Հանրապետությունը «Հարավային Օսիա — Ալանիայի պետություն» վերանվանելու վերաբերյալ:

Սոցիալական ցանցերը լի են քննարկումներով, սակայն պաշտոնական տվյալները դեռ այսպիսին են. 15:00- դրությամբ քվեարկել է բնակչության մեկ երրորդից ավելին, ինչը նշանակում է, որ ընտրությունները կայացել են:

ԿԸՀ-ի ներկայացուցիչները հայտնում են, որ նախնական արդյունքները հայտնի կլինեն գիշերը՝ ժամը 12:00-ի սահմաններում:

Հյուսիսային Օսիայի ընտրատեղամասերում այնքան աղմկոտ է և մարդաշատ, որ թվում է, թե բողոքի ակցիա է: Բայց ոչ. մարդիկ պարզապես ուզում են արագ քվեարկել և չեն լսում հորդորները այն մասին, որ մինչև ընտրատեղամասերի փակվելը դեռ շատ ժամանակ կա:

Ընտրությունները Հյուսիսային Օսիայի Օկտյաբորսկոյե գյուղի ընտրատեղամասում: Տեսանյութի հեղինակ՝ Թամարա Ագկացեվա

Հարավային Օսիայում ամեն ինչ քիչ թե շատ հանգիստ է: Փոթորկում են միայն սոցիալական ցանցերը: Սակայն այս մասին՝ ավելի ուշ:

Հոդվածում հնչած կարծիքներն արտահայտում են հեղինակի տերմինաբանությունն ու հայացքները և պարտադիր չէ, որ համընկնեն խմբագրության կարծիքի հետ