Բուհերի ուսանողները ակցիա են անցկացրել, նրանք դեմ են, որ իրենց զրկեն տարկետման իրավունքից

Մի խումբ երիտասարդներ երթ անցկացրին Երևանի կենտրոնական փողոցներով «Հանուն գիտության տարկետումը գոյություն է ունենալու» գրառումով պաստառներով: Նրանք պահանջում էին, որպեսզի գործող օրենքը չփոխվի, և 18 տարին լրացած ուսանողները սկզբից ուսումն ավարտեն և միայն հետ գնան բանակ ծառայելու:

Բանն այն է, որ Հայաստանի կառավարությունն օրինագիծ է ներկայացրել, որով առաջարկվում է փոխել զինվորական ծառայության մասին օրենքն ու տարկետման իրավունք տալ այն ուսանողներին, որոնք պաշտպանության նախարարության հետ պայմանագիր կստորագրեն:

Ներկա պահին տարկետում է առաջարկվում բոլորին, ովքեր անվճար են սովորում պետական բուհերում:

«Նրանք ասում են, որ շատերը տարկետումն օգտագործում են զինվորական ծառայությունից խուսափելու համար: Հնարավոր է, որ այդպիսի խնդիր իրոք կա: Սակայն մենք կարծում ենք, որ արդյունքում կտուժեն նրանք, ովքեր ուզում են գիտությամբ զբաղվել: Հետևաբար գիտությունը կտուժի», — JAMnews-ին ասել է Երևանի պետհամալսարանի ուսանողներից մեկը:

Բողոքի ակցիայի մասնակիցներն ընդգծում էին, որ նրանք կողմ են այն գաղափարին, որ Հայաստանում յուրաքանչյուր երիտասարդ տղամարդ պետք է բանակում ծառայի: Նրանք միայն պնդում են, որ հաշվի առնվեն նրանց շահերը, ովքեր իրենց կարիերան գիտության շրջանակում են պատկերացնում:

Այն բանի հետ, որ ուսանողական տարկետումները չպետք է օգտագործվեն ծառայությունից խուսափելու համար, համաձայն է նաև Հայաստանի պաշտպանության նախարար Վիգեն Սարգսյանը:

Նա լրագրողներին ասել է, որ այդ հարցի կարգավորման համար ուսանողներին առաջարկվում է պայմանագիր ստորագրել, որով նրանք պարտավորվում են զինվորական պատրաստվածություն անցնել ուսման գոտում կամ ծառայություն այն վայրում, որը կորոշի պաշտպանության նախարարությունը:

Ընդ որում, նա, ով նախարարության հետ պայմանագիր կնքի, կծառայի ոչ թե երկու, այլ երեք տարի:

«Տարկետման իրավունքը չի չեղարկվում, պարզապես այն կապվում է ծառայության տեսակի հետ: Այն քաղաքացին, որը, ստանալով բարձրագույն կրթություն, ուզում է օգտակար լինել և ծառայել զինված ուժերում որպես սպա, նման հնարավորություն կստանա»,- ասել է Վիգեն Սարգսյանը:

Իրապաշտպանները նույնպես անհանգստություն են հայտնել նոր նախագծի կապակցությամբ: Հելսինկյան քաղաքացիական ասամբլեայի Վանաձորի գրասենյակի ղեկավար Արթուր Սաքունցն ասում է, որ նման կերպ հանրությունը զգալիորեն ռազմականացված կդառնա:

Շուտով օրինագիծը կքննարկվի է Ազգային ժողովում: