Հայաստանի 1354 դպրոցներից 260-ում ներառական կրթությունն արդեն հասանելի է

Ներառական կրթության ծրագիրը Հայաստանում ընդլայնվում է: 1354 դպրոցներից 260-ում արդեն գործում է ներառական կրթության սկզբունքը: Տվյալները հրապարակվել են նախորդ տարվա պետական բյուջեի կատարողականում:

Ծրագիրն առավել ակտիվորեն տարածվում է երկրի հարավում. Սյունիքի մարզն արդեն անցել է համընդհանուր ներառմանը:

ՀՀ կրթության և գիտության նախարարության զարգացման ծրագրերի և մոնիտորինգի վարչության պետ Ռոբերտ Ստեփանյանը կարծում է, որ տոկոսային հարաբերակցությամբ ներառական դպրոցների բաշխվածությունը գրեթե հավասար է: Աﬔնաշատ ներառական դպրոցները, նրա խոսքով, Երևանում են՝ թվով 67, իսկ Արագածոտնում դրանք 5-ն են:

«Չկա մարզ, որտեղ ընդհանրապես բացակայի ներառական դպրոց: Սյունիքի բոլոր դպրոցներն են արդեն իրականացնում ներառական կրթություն: Այս տարի նախատեսվում է Տավուշի և Լոռու մարզերում ևս անցնել համընդհանուր ներառմանը»,- ասել է Ռոբերտ Ստեփանյանը:

Այս տարի ներառական կրթություն իրականացնող դպրոցների թիվը նախատեսվում է ավելացնել 78-ով։