Հայաստանում կորոնավիրուսից մահվան ևս մեկ դեպք է արձանագրվել։ Առողջապահության նախարարի մամուլի խոսնակ Ալինա Նիկողոսյանի խոսքով՝ մահացածը 66-ամյա տղամարդ է, որի մոտ կորոնավիրուսային հիվանդությունն ուղեկցվել է երկկողմանի ծանր թոքաբորբով․
«Տղամարդն ունեցել է ուղեկցող խրոնիկ հիվանդություն՝ սրտի իշեմիկ հիվանդություն, որի հետևանքով ձևավորվել է․․․ թրոմբոէմբոլիա։ Կատարվել է ստորին վերջույթների ամպուտացիա։ Ցավոք, վերջինիս կյանքը չի հաջողվել փրկել»:
Այսպիսով, Հայաստանեւմ կորոնավիրուսի հետևանքով արդեն 17 մահվան դեպք է արձանագրվել։ Ապրիլի 15-ի դրությամբ կորոնավիրուսով վարակվածների թիվն ավելացել է 44-ով և հասել 1111-ի։
Հաաստանում արտակարգ դրություն է գործում մարտի 16–ից։ Այն հայտարարված էր մեկ ամսով։ Ապրիլի 13–ին կառավարությունը որոշեց երկարաձգել արտակարգ դրության ռեժիմը ևս մեկ ամսով։ Մարտի 25–ից գործում է նաև մարդկանց տեղաշարժի խիստ սահմանափակում։ Տնից կարելի է դուրս գալ միայն ծայրահեղ անհրաժեշտության դեպքում՝ անձնագրով և «տեղաշարժի թերթիկով»։ Խախտումներին հետևում է ոստիկանությունը։ Չի աշխատում ողջ հանրային տրանսպորտն, այդ թվում՝ մետրոն։