Իրանի նավաստիները թունավորվել են դեպի Բաքու ընթացող նավի վրա

Իրանական «Նազմեհր» չորաբեռների նավն Ակտաուով դեպի Բաքու է ուղևորվել՝ հացահատիկով բեռնված: Ադրբեջանական ափից ոչ հեռու նավն անհետաձգելի օգնություն է խնդրել աշխատակազմի զանգվածային թունավորման կապակցությամբ: Նրանց օգնության է ուղարկվել Ադրբեջանի սահմանապահ ծառայության պահականավը:

Անձնակազմի երեք անդամները մահացել են, մնացածները հիվանդանոցում են գտնվում, նրանց վիճակը բժիշկները գնահատում են որպես լավ: Նրանց հանդիպել են Իրանի դեսպանատան հյուպատոսական բաժնի աշխատակիցները:

Ըստ նախնական վարկածի, որը հրապարակվել է ադրբեջանական մամուլում, թունավորման պատճառ է դարձել քիմիական նյութը, որով մշակված է եղել հացահատիկը: Սակայն իրանական դեսպանատան ներկայացուցիչը խուսափեց ենթադրություններ անել և ասաց, որ պատճառները հայտնի կլինեն փորձաքննությունից հետո: