Իսրայելը հրաժարվում է Վրաստանի քաղաքացիներին քաղաքական ապաստան տրամադրել

Իսրայելը Վրաստանի քաղաքացիներին այլևս քաղաքական ապաստան չի տրամադրելու, քանի որ Վրաստանն անվտանգ երկիր էհամարում: Ճիշտ է, ապաստանի մասին հայտերը շարունակելու են դիտարկել, սակայն  արագացված կարգով և առանցաշխատելու իրավունքի:

Փետրվարի 28-ին Վրաստանի ԱԳՆ կայքում հրապարակած հաղորդագրության համաձայն՝ Իսրայելը Վրաստանին ներառել էանվտանգ երկրների ցանկում: Դա նշանակում է, որ Վրաստանում ոչ ոքի ռասայական, կրոնական, ազգային հատկանիշով կամորևէ սոցիալական խմբի պատկանելու համար հետապնդումների ենթարկվելու «հիմնարար վտանգ» չի սպառնում:

ԱԳՆ-ն քաղաքացիներին զգուշացնում է, որ Իսրայելում քաղաքական ապաստան ստանալու վերաբերյալ Վրաստանի քաղաքացիների հայտերը չեն բավարարվելու, «եթե դրա համար իրական հիմք չլինի»:

Վրաստանի կարգավիճակը որպես անվտանգ երկրի նշանակում է նաև, որ փոփոխվում է ապաստան տրամադրելու հայտերի քննումը, այժմ դա արագացված կերպով է արվելու, առավելագույնը՝ 1 ամսվա ընթացքում: Այդ ընթացքում հայտատուն հնարավորություն չի ունենա Իսրայելում աշխատելու, ինչպես նախկինում էր:

Վրաստանի ԱԳՆ տեղեկատվության համաձայն՝ Իսրայելը Բելգիայից, Ֆրանսիայից, Բուլղարիայի և Ավստրիայից հետո 5-րդ երկիրն է, որը Վրաստանն անվտանգ պետություն է համարում: