Թբիլիսիում մասշտաբային ակցիա անցկացվեց ի աջակցություն «Ռուսթավի-2» ընդդիմադիր հեռուստաընկերության

Թբիլիսիում մասշտաբային ակցիա տեղի ունեցավ ի աջակցություն «Ռուսթավի-2» հեռուստաալիքի: Խորհրդարանի նախկին շենքի մոտ՝Ռուսթավելու փողոցում մի քանի տասնյակ հազար մարդ էր հավաքվել:

Քաղաքացիներին ցույցի դուրս գալու կոչ էին արել հեռուստաընկերության ղեկավարությունն ու լրագրողները. մոտ օրերս Գերագույն դատարանը պետք է իր վճիռը հայտարարի այն մասին, թե ում սեփականությունն է հեռուստաընկերությունը: «Ռուսթավի-2»-նիշխանություններին մեղադրում է դատավորների վրա ճնշում գործադրելու և ընդդիմադիր հեռուստաալիքը յուրացնելու ցանկությանհամար:

Հանրահավաքին ելույթ ունեցան «Ռուսթավի-2»-ի հաղորդավարները: Նրանք հավաքվածներին շնորհակալություն հայտնեցին խոսքի ազատությանն աջակցելու համար և Գերագույն դատարանի դատավորներին կոչ արեցին չկատարել իշխանության պատվերը:

Հարկ է նշել, որ ակցիայի ժամանակ քաղաքական կոչեր չհնչեցին. ակցիային էր միացել մի քանի քաղաքական կուսակցություն, սակայն քաղաքական գործիչներից ոչ ոք ելույթով հանդես չեկավ:

• «Ռուսթավի-2» գլխավոր ընդդիմադիր հեռուստաընկերության շուրջ ընթացող վեճն արդեն շարունակվում է 2 տարի: Հեռուստաընկերության նախկին սեփականատեր Քիբար Խալվաշին պահանջում է վերադարձնել այն, քանի որ նա վաճառել է հեռուստաընկերությունը նախկին իշխանությունների ճնշման տակ:

• Հունիսին Վերաքննիչ դատարանը ուժի մեջ է թողել քաղաքային դատարանի որոշումը հեռուստաընկերությունը Խալվաշիին վերադարձնելու մասին: «Ռուսթավի-2»-ի փաստաբանները բողոքարկել են այդ որոշումը Գերագույն դատարանում:

• Այժմ «Ռուսթավի-2»-ի գործը քննում է Գերագույն դատարանի Մեծ պալատը: