Դաղստանի մայրաքաղաքի իշխանությունները կոչ են արել դադարեցնել թափառական շների «ինքնակամ ոչնչացումը»

Մախաչկալայի քաղաքապետարանը քաղաքի բնակիչներին կոչ է արել «դադարեցնել թափառական կենդանիների հակաօրինականոչնչացումը»: Այդպիսով Դաղստանի մայրաքաղաքի իշխանություններն արձագանքել են մի քանի օր առաջ քաղաքում սկսվածշների որսին, որին միացել են շատ բնակիչներ:

Քաղաքապետարանն իր պաշտոնական հայտարարությունում իրեն առանձնացրել է այդ արշավից և հայտարարել, որ քաղաքի ադմինիստրացիան մասնակից չէ այդ փաստերին և կենդանիներին գնակահարելու թույլտվություն չի տվել, «քանի որ դա չի մտնում քաղաքապետարանի իրավասությունների մեջ և ուղղակիորեն հակասում է ռուսական օրենսդրությանը»:

Դաղստանի մայրաքաղաքի ղեկավարությունը հիշեցնում է բնակիչներին, որ շների ինքնակամ ոչնչացումը համապատասխանում է Քրեական օրենսգրքի «Կենդանիների հանդեպ դաժան վերաբերմունք» հոդվածին:

Փետրվարի 19-ին Մախաչկալայի ծայրամասում 9-ամյա աղջկա մարմին է հայտանաբերվել, որը ենթադրաբար շների կծելուց է մահացել: Մահվան իսկական պատճառը փարձաքննությունը կպարզի, որը դեռևս չի ավարտվել: Այդ փաստը թափառական շների տարերային որսի առիթ է դարձել, որի զոհն, ըստ տարբեր գանհատականների, հարյուր շուն է դարձել: Իրավիճակը Մախաչկալայում կենդանիների պաշտպանների և Ռուսաստանի հասարակության մի մասի վրվովմունքն է առաջացրել: