Բորիս Նեմցովին սպանողը 20 տարվա ազատազրկման է դատապարտվել

 Զաուր Դադաևը: Լուսանկարը՝ Վալերի Շարիֆուլինի/ՏԱՍՍ

Մոսկվայում Բորիս Նեմցովի վրա 2015թ-ի փետրվարին իրագործած հարձակման բոլոր մասնակցիների հանդեպ դատավճիռ է կայացվել:

Քաղաքական գործիչ Բորիս Նեմցովը սպանվել է մեջքի կողմից արձակված 6 կրակոցով Կրեմլից ոչ հեռու:

Ատենակալներն այդ հանցագործության համար մեղադրվող բոլորի հինգ չեչեններին մեղավոր են ճանաչել: Սպանության անմիջական իրագործող Զաուր Դադաևը, որը զինվորական է, դատապարտվել է 20 տարվա ազատազրկման: Մնացած չորսը դատապարտվել են 11-19 տարվա ազատազրկման:

Նրանցից ոչ ոք իր մեղքը չի ընդունել:

Տուժածների՝ Բորիս ՆԵմցովի ընտանիքի փաստաբանները բազմաթիվ հարցազրույցներում հայտարարել են, որ գոհ չեն դատավարության գործընթացից: Նրանց խոսքով՝ դատախազի և դատավորի գլխավոր նպատակը հանցագործությունն անմիջականորեն իրականացրածներին դատապարտելն է եղել և սպանության կազմակերպիչների և պատվիրատուների մասին հարցը մի կողմ թողնելը: