Բաքվում ոստիկանությունը ցրել է ընտրությունների զեղծարարությունների դեմ բողոքի ակցիան․ տեսանյութ

Բաքվում ոստիկանությունը ցրել է ընտրությունների զեղծարարությունների դեմ բողոքի ակցիան, որն անցկացրել են մի քանի տասնյակ երիտասարդ ակտիվիստներ Ընտրական հանձնաժողովի շենքի դիմաց։

Ակցիայի մասնակիցները պահանջել են խախտումների արդար հետաքննում։ Նրանց թվում էին խորհրդարանի պատգամավորների նախկին թեկնածուներ, լրագրողներ և ակտիվիստներ։ Ոստիկանությունը ցուցարարներին կոպտորեն ավտոբուս է մտցրել և տարել՝ չհայտնելով, թե ուր ։

Քաղաքի կենտրոնից ոչ հեռու ավտոբուսը կանգնեցրել են, ակցիայի մասնակիցներին ազատ արձակել։ Նրանցից մեկին հիվանդանոց են տեղափոխել կողոսկրի կոտրվածքի և գլխուղեղի ցնցման կասկածանքով։